Дональд Трамп Ким Жон Уныг “өвчтэй гөлөг” гэж хочиллоо

2017-11-30 Нийгэм 0

 

Хойд Солонгосын дэглэм түүхэндээ хамгийн хол тусгалтай пуужинг харваж туршсаны дараа АНУ-ын засаг захиргаа Пёньяны эсрэг шинэ хориг арга хэмжээ авахаар төлөвлөж эхэлжээ.

Цагаан ордон энэ удаа бусад түнш орнуудтайгаа хүч хавсрахаар ярилцаж байгаа бололтой. Трамп саяхан Хятад, Өмнөд Солонгос, Японы төрийн тэргүүнүүдтэй уг асуудлаар ярилцсан байна.

Үүнийхээ дараа Дональд Трамп Миссури мужийн Сэйнт Чарльз хотод татварын шинэчлэлийнхээ талаар сонгогчдод танилцуулж байхдаа Хойд Солонгосын удирдагч Ким Жон Унд шинэ хоч өгч амжжээ.

Тэр өмнө нь Кимийг “Пуужинтай жижигхэн хүн” хэмээн нэрлэж байсан бол энэ удаа нэлээд дордуулж “өвчтэй гөлөг” (a sick puppy) гэж хочилсон байна.

НҮБ-ын аюулгүй байдлын зөвлөл өнөөдөр шуурхай хурал зарлажээ.

АНУ-ын НҮБ дэх төлөөлөгч Ники Хали энэ хуралдаан дээр Пёньяны эсрэг авах шинэ хориг арга хэмжээний төслөө танилцуулах гэнэ. Хали пуужингийн туршилтын дараа хэлсэн үгэндээ “Хойд Солонгосын дарангуйлагч өчигдөр биднийг дайны ирмэгт түлхсэн шийдвэр гаргалаа. Бид хэзээ ч Хойд Солонгостой дайтахыг хүсэж байгаагүй, одоо ч гэсэн хүсэхгүй байна” гэжээ.

Трамп Хятадын төрийн тэргүүн Ши Жиньпинтэй утсаар ярихдаа тус улсыг Хойд Солонгост газрын тос нийлүүлдэг хоолойгоо хаах хүсэлтийг тавьсан тухай эх сурвалжууд мэдээлжээ.

Эх сурвалж: Associated Press

Холбоотой мэдээ

Сүүлийн 24 цагийн хугацаанд15546 хүнд PCR шинжилгээ хийхэд НАЙМАН хүнээс коронавирус илэрлээ

Коронавирусийн нөхцөл байдлын талаар ЭМЯ, ХӨСҮТ-өөс танилцууллаа. ХӨСҮТ-ийн Тандалт, судалгаа

2021-01-22

Нэгдүгээр төрөхийн дарга Г.Баясгалан албан тушаалаасаа чөлөөлөгдөхгүй гэжээ

Нийслэлийн Өргөө амаржих газарт энэ сарын 19-ний өглөө амаржсан эхийг тухайн өдрийн орой ХӨСҮТ-д хүр

2021-01-21

Нэгдүгээр сарын 25-наас ихэнх нутгаар хүйтний эрч чангарна

Ойрын өдрүүдийн цаг агаарын төлөвийг танилцуулж байна. Өнөөдрийн цаг агаарын төлөв Ихэнх н

2021-01-21

Санал асуулга

Хөл хориог цаашид яасан нь дээр вэ?

Үр дүн

Loading ... Loading ...