Дональд Трамп: Миний цөмийн зэвсгийн товчлуур чинийхээс ТОМ!

2018-01-03 Нийгэм 0

 

Хойд Солонгосын удирдагч Ким Жон Уны шинэ жилийн мэндчилгээнд АНУ-ын ерөнхийлөгч Дональд Трамп хариу цохилт өглөө.

Ким Жон Ун Даваа гарагийн өглөө телевизийн сувгаар үг хэлэхдээ ширээн дээр нь цөмийн зэвсгийн товчлуур байнга бэлэн байгааг Вашингтонд анхааруулж байв.

Тэгвэл саяхан Трамп твиттер хуудсандаа түүнд хариу мэдэгдэл хийлээ. Тэр “Хойд Солонгосын удирдагч Ким Жон Ун саяхан цөмийн зэвсгийн товчлуур ширээн дээр нь байнга бэлэн байгааг хэллээ. Тэгвэл надад ч бас түүнийхээс хамаагүй том, хүчирхэг товчлуур байдаг гэдгийг ядарч туйлдсан энэ оронд байгаа хэн нэг нь түүнд дамжуулж хэлж өгнө үү. Миний товчлуур бол ажилладаг юм шүү!” гэжээ.

Яг үнэндээ АНУ-ын ерөнхийлөгчид цөмийн зэвсэг харвах товчлуур байдаггүй. Харин түүний батлан хамгаалах асуудал хариуцсан туслах нь тусгай код бүхий цүнхийг ерөнхийлөгчийн хаа байгаа газарт барьж явдаг байна.

Трампын мэдэгдлийн өмнөхөн Вашингтоны НҮБ дахь суурин төлөөлөгч Никки Хэйли одоо яригдаж байгаа хоёр Солонгосын хэлэлцээрийг зөв алхам биш гэж үзэж байгаагаа мэдэгдсэн юм. Тэр цөмийн зэвсэгтэй Хойд Солонгосыг АНУ хэзээ ч хүлээн зөвшөөрөхгүй гэсэн хатуу байр сууриа илэрхийлжээ.

Эх сурвалж: Business Insider

Холбоотой мэдээ

Зочид буудлуудын өрөөнд хүн олноор оруулсан эсэхэд гэнэтийн шалгалт хийжээ

Нийслэлийн Онцгой комиссын нэгдүгээр сарын 25-ны цахим хурлаар Зочид буудлуудын үйл ажиллагааг нээсэ

2021-01-26

Үсчин, гоо сайханчдыг шинжилгээнд хамруулахыг УОК-оос үүрэг болгожээ

Улсын онцгой комиссын “Шуурхай” ажлын хэсгийн хурал өнөөдөр цахимаар хуралджээ. Улсын онцгой

2021-01-26

Т.Ням-Очир: Хоёрдугаар сарын 1-нээс хичээлийн шинэ улирал эхэлж, орон даяар теле хичээл орно

2020-2021 оны хийчээлийн жилийн хоёрдугаар улирал ирэх долоо хоногийн Даваа гараг буюу хоёрдугаар са

2021-01-26

Санал асуулга

Хөл хориог цаашид яасан нь дээр вэ?

Үр дүн

Loading ... Loading ...