Хятадын хакер Google-ийн гар утасны алдааг илрүүлж $112,000-аар шагнууллаа

2018-01-22 Дэлхийд 0

 

Өнгөрч байгаа долоо хоногт Google компани Хятадын мэдээллийн аюулгүй байдлын Qihoo 360 компанийн судлаач Гуан Гонд $112,000-ын мөнгөн шагнал олгож байгаагаа зарласан юм.

Google компани өөрийн бүтээгдэхүүний алдааг илрүүлэх уралдааныг хакеруудын дунд зарлаж, илрүүлсэн хүнд их хэмжээний мөнгөн шагнал олгодог уламжлалтай. Тэгвэл тус компани өнгөрсөн зургаадугаар сараас алдаа илрүүлэгчдад олгодог шагналын хэмжээгээ нэмэгдүүлсэн юм. Ийнхүү Хятадын хакер Google-ийн түүхэнд хамгийн өндөр шагнал авсан мэргэжилтэн болж байна.

Наймдугаар сард Гуан Гон тус компаниас гаргасан Pixel ухаалаг гар утсанд алсаас нэвтэрч, мэдээллийг нь хулгайлах програм амжилттай бүтээж үзүүлжээ. Нийтэд ил болгоогүй уг алдааг Google өнгөрсөн арванхоёрдугаар сарын програмын шинэчлэлээрээ засварлаж, харин шагнал авах хүнийг одоо зарлаж байгаа юм.

Гуан Гон болон түүний ажилладаг Qihoo 360 компанийн багийнхан Pixel гар утсыг нэвт мэддэг болоод байгаа. 2016 онд тэд “Pwn2Own 2016” жил бүрийн хакеруудын уралдаан дээр Pixel утасны анхны загварыг ердөө 60 секундын дотор гартаа оруулж чадаж байжээ.

Энэ арга хэмжээнд Qihoo 360-ын мэргэжилтнүүд мөн Adobe Flash зэрэг бусад олон програмын алдаа цоорхойг илрүүлэн үзүүлж, нийтдээ $520,000-ын мөнгөн шагнал хүртэж байв.

Эх сурвалж: Tech Insider

Холбоотой мэдээ

Япон улсын долоон мужид нэмж онц байдал зарлалаа

Япон улсад сүүлийн өдрүүдэд коронавирусийн цар тахлын тархалт эрчимтэй нэмэгдэж байгаа учир тус улсы

2021-01-14

Туркийн Истанбул хот 45 хоногийн усны нөөцтэй болжээ

Турк улсад сүүлийн арван жилд тохиогоогүй ган гачиг болж байгаагаас шалтгаалан томоохон хотууд нь ус

2021-01-14

Испанид 50 жилийн дараа цас орж, огцом хүйтэрч -12 хэм хүрсэн тул осгохоос сэрэмжлүүлэв

Филомена шуурганы улмаас Испанийн зарим нутаг цасан бүрхүүлд хучигдлаа. Томоохон хотуудад авто, төмө

2021-01-10

Санал асуулга

Хөл хориог цаашид яасан нь дээр вэ?

Үр дүн

Loading ... Loading ...