Пёнчаны олимпийн урд өдөр Хойд Солонгос цэргийн парад зохион байгуулж болзошгүй байна

2018-01-24 Дэлхийд 0

 

Өмнөд Солонгосын Пёнчанд болох өвлийн олимпийн наадмын нээлтийн өдрөөс нэг өдрийн өмнө Хойд Солонгос томоохон цэргийн парад зохион байгуулж, дэлхий нийтийн анхаарлыг өөртөө татаж болзошгүй байгааг ажиглагчид мэдээлж байна.

Пёнчаны наадам хоёрдугаар сарын 9-нд эхлэх бол Хойд Солонгосын армийн парад 8-нд болох магадлал өндөр байгаа юм. Учир нь энэ өдөр тус улсын зэвсэгт хүчин байгуулагдсаны 70 жилийн ойн өдөр.

Сүүлийн жилүүдэд Пёньян энэ ойг жил бүрийн дөрөвдүгээр сарын 25-нд тэмдэглэж, армийнхаа зэр зэвсгийн хүчин чадлыг дэлхийд харуулсаар ирсэн.

Дөрөвдүгээр сарын 25 бол БНАСАУ-ыг үндэслэгч Ким Ил Сун 1932 онд Японы эсрэг партизаны бүлгийг байгуулсан түүхэн өдөрт тооцогддог. Харин байнгын армитай болсон өдөр нь хоёрдугаар сарын 8 ажээ.

Пёньян 1978 оныг хүртэл Солонгосын Ардын Арми байгуулагдсаны ойг хоёрдугаар сарын 8-нд тэмдэглэдэг байжээ.

Харин энэ жил Пёнчаны олимптой давхцуулан хуучин тэмдэглэдэг байсан ойн өдрөө шилжүүлж магадгүй байгаа юм.

Хиймэл дагуулаас авсан сүүлийн үеийн зургуудаас харвал Пёньяны ойролцоох агаарын баазын талбайд зэвсэг техник, цэрэг цуглаж, парадын бэлтгэл хийж байгаа нь ажиглагджээ.

Өмнөд Солонгосын засгийн газрын төлөөлөгч парадын бэлтгэлд оролцох цэргийн тоо нэмэгдэж байгааг Ёнхап агентлагт ярьсан байна.

Ойролцоогоор 13,000 цэрэг, 200 машин техник цуглаад байгааг тэр баталжээ.

Пёнчаны олимпийн наадмын улмаас дэлхий нийтээр Солонгосын хойгт анхаарлаа хандуулж байгаа цаг үед Пёньян шинэ зэвсэг техник, армийн хүчин чадлаа олон улсад харуулах боломж тохиож байгаа юм.

Шинэ он гарсаар хоёр Солонгосын харилцаанд нааштай уур амьсгал бий болж эхэлсэн бол АНУ, Япон улсууд Пёньяны энэ байдалд тун болгоомжтой хандаж байна.

Эх сурвалж: Japan Times

Холбоотой мэдээ

Япон улсын долоон мужид нэмж онц байдал зарлалаа

Япон улсад сүүлийн өдрүүдэд коронавирусийн цар тахлын тархалт эрчимтэй нэмэгдэж байгаа учир тус улсы

2021-01-14

Туркийн Истанбул хот 45 хоногийн усны нөөцтэй болжээ

Турк улсад сүүлийн арван жилд тохиогоогүй ган гачиг болж байгаагаас шалтгаалан томоохон хотууд нь ус

2021-01-14

Испанид 50 жилийн дараа цас орж, огцом хүйтэрч -12 хэм хүрсэн тул осгохоос сэрэмжлүүлэв

Филомена шуурганы улмаас Испанийн зарим нутаг цасан бүрхүүлд хучигдлаа. Томоохон хотуудад авто, төмө

2021-01-10

Санал асуулга

Хөл хориог цаашид яасан нь дээр вэ?

Үр дүн

Loading ... Loading ...