Дэлхийд анх удаа клоны аргаар сармагчин гаргаж авчээ

2018-01-30 Дэлхийд 0

 

БНХАУ-ын ШУА дэлхийд анх удаа соматик эсийн клоны аргаар сармагчин бүтээсэн тухайгаа мэдэгджээ. Ийм аргаар бүтээгдсэн Жүн Жүн нэрт сармагчин 2017 оны арваннэгдүгээр сарын 27-нд төрсөн байна. Үүний дараа арванхоёрдугаар сарын 5-нд түүний охин дүү Хуа Хуа төржээ. Ийнхүү БНХАУ приматын төрлийн амьтны соматик эсийг клоны аргаар гаргаж авсан дэлхийн анхны улс болжээ. Энэ нээлт тархины өвчнийг үр дүнтэй эмчлэхэд тустай, хүний эрүүл мэндэд тулгарч буй гол асуудлыг шийдвэрлэхэд чухал ач холбогдолтой гэдгийг эрдэмтэд онцолжээ.

Хүн төрөлхтний түүхэнд анх 1997 онд соматик эсийн клоны аргаар Долли хонийг амжилттай гаргаж авснаас хойш адуу, үхэр, тэмээ, муур, нохой зэрэг олон төрлийн хөхтөн амьтныг соматик эсийн клоны аргаар гаргаж авсан боловч хүн төрөлхтөнтэй хамгийн ойр төстэй приматын төрлийн амьтныг соматик эсийн клоны аргаар гаргаж авч чадаагүй байсан юм. Үүнд биологийн шинжлэх ухааны технологийн хүндрэлтэй асуудал байжээ. Соматик эсийн клоны аргаар сармагчныг амжилттай бүтээсэн нь үндсэн судалгааны хувьд маш чухал ач холбогдолтой төдийгүй, хүн амын эрүүл мэндийн салбарт тулгарч буй томоохон сорилтуудыг шийдэхэд онцгой чухал үүрэг гүйцэтгэх юм байна.

Тухайлбал, тархины ихэнх өвчнийг үр ашигтай эмчилж чадахгүй байгаагийн гол шалтгаан нь эмчилгээний туршилтад оруулсан хулганы загвар хүнийхээс нэлээд өөр байдаг, бүтээх эм бэлдмэлийг хүний биед туршихад үр дүн муу гардаг аж. Харин одоо соматик эсийн клоны аргаар тархины өвчтэй сармагчны загвар гаргаж, хүн төрөлхтөнд учирч буй тархины ноцтой өвчнийг судалж, оношилж, эмчлэхэд урьд байгаагүй шинэ боломж нээгджээ.

Соматик эсийн клоны аргаар сармагчин гаргаж авсны үндсэн дээр альцгеймер, аутизм зэрэг тархины өвчин, дархлалын олдмол хомсдол, тархины хорт хавдар, дотоод шүүрлийн үйл ажиллагаа доголдсон зэрэг өвчнийг эмчлэх шинэ эм бүтээх үйл явцыг ч мөн түргэтгэх юм.

 

Холбоотой мэдээ

Япон улсын долоон мужид нэмж онц байдал зарлалаа

Япон улсад сүүлийн өдрүүдэд коронавирусийн цар тахлын тархалт эрчимтэй нэмэгдэж байгаа учир тус улсы

2021-01-14

Туркийн Истанбул хот 45 хоногийн усны нөөцтэй болжээ

Турк улсад сүүлийн арван жилд тохиогоогүй ган гачиг болж байгаагаас шалтгаалан томоохон хотууд нь ус

2021-01-14

Испанид 50 жилийн дараа цас орж, огцом хүйтэрч -12 хэм хүрсэн тул осгохоос сэрэмжлүүлэв

Филомена шуурганы улмаас Испанийн зарим нутаг цасан бүрхүүлд хучигдлаа. Томоохон хотуудад авто, төмө

2021-01-10

Санал асуулга

Хөл хориог цаашид яасан нь дээр вэ?

Үр дүн

Loading ... Loading ...