Фэйсбүүкийн 14 жилийн ой дээр Зукерберг хийсэн алдаануудаа хүлээн зөвшөөрлөө

2018-02-06 Дэлхийд 0

 

Өчигдөр буюу Даваа гарагт Марк Зукерберг үүсгэн байгуулсан Фэйсбүүк сүлжээнийхээ 14 жилийн ойг тохиолдуулан өнгөрсөн хугацаанд гаргасан алдаануудаа хүлээн зөвшөөрч, өөрийгөө шүүмжилжээ.

Тэрээр өөрийнхөө хуудсанд бичихдээ “Өнгөрсөн хугацаанд би та бүгдийн төсөөлж чадах бүх алдааг хийжээ” хэмээн бичсэн байна.

“Би олон арван техникийн алдаа гаргаж, алдагдалтай гэрээ байгуулсан. Би буруу хүмүүст итгэж, чадварлаг хүмүүсийг буруу газарт нь ажиллуулж байв. Чухал боломжуудыг алдаж, бусдын хурдыг удаашруулан мохоож байлаа. Би ар араас нь амжилтгүй бүтээгдэхүүнүүд гаргасаар байв” гэж Зукерберг бичсэн юм.

14 жилийн өмнө түүний Харвардын оюутан байхдаа бүтээсэн дэлхийн хамгийн том нийгмийн сүлжээ нь өнөөдөр 2 тэрбум орчим хэрэглэгчтэй болоод байгаа.

Гэвч хүмүүс Фэйсбүүк сүлжээний нийгэмд учруулж байгаа хор нөлөөг сүүлийн үед хурцаар шүүмжилдэг болоод байна. Үүнээс болоод Зукерберг сүлжээнийхээ хэрэглэгчдийн анхаарлыг илүү гэр бүл, найз нөхдийн хүрээнд чиглэдэг болгох өөрчлөлтүүд хийж, үүний улмаас хэрэглээ нь буурсан үр дүн гарч эхэлсэн юм.

Даваа гарагийн түүний мэдэгдэл нь Фэйсбүүк сүлжээ өөрийгөө хэрхэн шинэчлэх талаар бодож эхэлснийг харуулж байна. Зукерберг эцэст нь түүний үүсгэсэн сүлжээ цаашид хөгжихийн тулд алдаанаасаа зугтах ёсгүй, шинэ хүнд сорилтуудыг даван гарснаар ахиц дэвшилд хүрнэ гэдэгт итгэлтэй байгаагаа мэдэгджээ.

Эх сурвалж: AFP

Холбоотой мэдээ

Япон улсын долоон мужид нэмж онц байдал зарлалаа

Япон улсад сүүлийн өдрүүдэд коронавирусийн цар тахлын тархалт эрчимтэй нэмэгдэж байгаа учир тус улсы

2021-01-14

Туркийн Истанбул хот 45 хоногийн усны нөөцтэй болжээ

Турк улсад сүүлийн арван жилд тохиогоогүй ган гачиг болж байгаагаас шалтгаалан томоохон хотууд нь ус

2021-01-14

Испанид 50 жилийн дараа цас орж, огцом хүйтэрч -12 хэм хүрсэн тул осгохоос сэрэмжлүүлэв

Филомена шуурганы улмаас Испанийн зарим нутаг цасан бүрхүүлд хучигдлаа. Томоохон хотуудад авто, төмө

2021-01-10

Санал асуулга

Хөл хориог цаашид яасан нь дээр вэ?

Үр дүн

Loading ... Loading ...