fbpx

ОХУ-ын сонгуулийн сурталчилгаа

2018-03-13 508

 

ОХУ-ын ерөнхийлөгчийн сонгууль ирэх Ням гарагт зохион байгуулагдана. Энэ удаагийн сонгуулийн сурталчилгаанд эротик өнгө аястай зурагт хуудаснууд давамгайлж байна.

Тухайлбал саяхан Архангельскийн төлөөлөгчдийн хурлын гишүүн, эрх баригч Нэгдсэн Орос намын улс төрч Александр Дятловын эхнэр Юлия Дятлова сонгуулийн ирцийг нэмэгдүүлэхийн тулд сайн дурын үндсэн дээр дараах зурагт хуудсыг гаргаж тараажээ.

Тэр уг зурагт хуудсанд найман загвар өмсөгч бүсгүйчүүдийн хамт нүцгэн зогсож “Бид сонгуульд оролцоно!” гэсэн уриагаар биесээ халхалсан байна.

Зургийг сошиал сүлжээнд тараахдаа “Санал хураах цэгт бид чамтай уулзана!” гэсэн тайлбар нэмжээ.

Эрчүүдэд зориулагдсан Maxim сэтгүүлийн газар бас залуусыг сонгуульд идэвхтэй оролцохыг уриалсан агуулгатай онлайн стикерүүдийг сошиал сүлжээгээр тараасан юм. Сонгуульд санал өгөх нь насанд хүрсэн хүний хийдэг зүйл гэж энэ сурталчилгаанд ухуулжээ.

Тус сэтгүүлийн газар бас сонгуулийн сурталчилгааны эротик зурагт хуудсуудыг саяхан гаргаж тараасан ба энэ зурагнуудыг бүтээх үйл явцаар видео дүрс хийж YouTube сүлжээнд байрлуулсныг сая гаруй хүн үзээд байна. Maxim сэтгүүлийн захиргаа уг сурталчилгааг хэн захиалсныг нууцалж байгаа юм.

 

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ

Эрхүү мужид үерийн улмаас таван хүн амиа алджээ

  ЭРХҮҮ. /RIA Novosti/. Үерийн гамшиг нүүрлэсэн Эрхүү мужийн зарим суурингийн цахилгаан

2019-07-01

Япон улс Өмнөд Солонгостой хийдэг худалдаандаа хатуу хяналт тогтоох болсныг зарлав

  Саяхан Өмнөд Солонгосын шүүх дайны үед боолчлогдож байсан хоёр иргэндээ Японы компаниу

2019-07-01

Ижил хүйстэн оцон шувууд жагсана

Лондоны амьтны хүрээлэнгийн ижил хүйстэн хос болох Ронни, Регги нэрт оцон шувууд “Бахархлын жагс

2019-07-01