fbpx

Абелийн шагнал хүртэх математикчийг нэрлэлээ

2018-03-22 380

 

Тоочдын хамгийн нэр хүндтэй Абелийн шагналыг энэ жилд Канадын математикч Роберт Ленглендст олгохоор болжээ. Олон улсын тоочдын холбоо ба Европын тоочдын нийгэмлэгийн энэхүү шийдвэрийн талаар Норвегийн шинжлэх ухаан, уран зохиолын академийн ерөнхийлөгч Оле Сейерстед зарласныг шагналын сангийн сайт мэдээлэв.

“Төсөөллийн онолыг тооны онолтой холбосон зөнч хөтөлбөрийг” зохиосон тул Ленглендс энэ шагналыг хүртэхээр болсон байна. Эрдэмтний хөтөлбөр нь өмнө нь холбогдолгүй гэж байсан тооны онол ба зохицлын анализ гэсэн хоёр салбарын гүнзгий холбоог санал болголоо гэж сайтын мэдээнд тэмдэглэжээ.

Ленглендс Британийн Колумбийн Нью-Вестминстер хотноо 1936 онд төржээ. Британийн Колумбийн Их сургуулийг бакалаврын зэрэгтэйгээр 1957 онд дүүргээд магистраа дараагийн жилд нь хамгаалсан байна. Докторын диссертацийг Йелийн их сургуульд 1960 онд хамгаалжээ. Ленглендс одоо Нью-Жерси мужийн Принстон дахь Ирээдүй судалгааны хүрээлэнгийн профессор ажээ. Уг шагналыг 2018 оны тавдугаар сарын 22-нд Осло хотноо гардуулна. Шагналын хэмжээ нь 715 мянган доллар бөгөөд 2003 оноос хойш гардуулж иржээ.

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ

Элтон Жон “Rocket hour” хөтөлбөрөөрөө “The Hu” хамтлагийг танилцуулжээ

Улаанбаатар /МОНЦАМЭ/. Алдарт дуучин Элтон Жон өөрийн хөтлөн явуулдаг "Rocket hour" хөгжмийн хөтөлбө

2019-10-15

Өмнөд Солонгосын хууль зүйн шинэ сайд албан тушаалаасаа огцорлоо

Өөрөө болон гэр бүл нь авлигын хэд хэдэн хэрэгт холбогдоод байгаа Өмнөд Солонгосын хууль зүйн сайд Ч

2019-10-15

58 жилийн өмнө Солонгос Азид сүүлээсээ 2т ордог ядуу орон байв

1961 онд Өмнөд Солонгос Азид сүүлээсээ 2т ордог ядуу орон байлаа. Тэдэнд баялаг ч байсангүй, мөнгө ч

2019-10-09