fbpx

Сөүл хотын захиргаа цаг хэтрүүлж ажиллахыг зогсоохын тулд компьютеруудыг хүчээр унтраана

2018-03-23 434

 

Өмнөд Солонгосын нийслэл хотын захиргаа оффисын ажилтнуудыг илүү цагаар ажиллуулахгүйн тулд долоо хоногийн Баасан гарагт бүрт компьютеруудыг хүчээр унтрааж байх санаачилга гаргажээ.

Тус улсын иргэд хамгийн олон цагаар ажилладгаараа дэлхийд тэргүүлдэг. Өмнөд Солонгосын төрийн албан хаагчид жилд дунджаар 2,739 цаг ажилладаг нь бусад хөгжингүй орны иргэдээс даруй 1,000 цагаар илүү байгаа юм.

Сөүлийн захиргаа компьютер унтраах ажиллагааг ирэх гурван сарын хугацаанд шат дараатай хэрэгжүүлэхээр болжээ. Нэгдүгээр шат нь энэ сарын 30-ны Баасан гарагт тохиож 20:00 цагаас бүх компьютеруудыг шууд цахилгаанаас салгана.

Хоёрдугаар шатанд дөрөвдүгээр сарын хоёр ба дөрөв дэх Баасан гарагуудад компьютеруудыг 19:00 цагаас унтраах юм.

Харин гурав дахь шатанд тавдугаар сараас эхлэн бүх Баасан гарагуудад компьютерыг 19:00 цагаас шууд унтраадаг болж, цаашид хэвших гэнэ.

Ажилтнууд өөрсдөө тухай цагуудад компьютерээ унтрааж, ажлын байраа орхих үүрэгтэй болж байгаа ба зарим онцгой тохиолдолд хэтрүүлж ажиллахыг зөвшөөрөх ажээ.

Гэхдээ хотын захиргааны бүх ажилтнуудад энэ дүрэм үйлчлэхгүй, 67 орчим хувь нь эхний ээлжинд компьютерээ хүчээр унтраах үүргээс чөлөөлөгдөх гэнэ.

Энэ сарын эхээр Өмнөд Солонгосын парламент долоо хоногийн ажлын цагийн хязгаарыг 68-аас 52 болгож бууруулсан юм.

Эх сурвалж: BBC

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ

Элтон Жон “Rocket hour” хөтөлбөрөөрөө “The Hu” хамтлагийг танилцуулжээ

Улаанбаатар /МОНЦАМЭ/. Алдарт дуучин Элтон Жон өөрийн хөтлөн явуулдаг "Rocket hour" хөгжмийн хөтөлбө

2019-10-15

Өмнөд Солонгосын хууль зүйн шинэ сайд албан тушаалаасаа огцорлоо

Өөрөө болон гэр бүл нь авлигын хэд хэдэн хэрэгт холбогдоод байгаа Өмнөд Солонгосын хууль зүйн сайд Ч

2019-10-15

58 жилийн өмнө Солонгос Азид сүүлээсээ 2т ордог ядуу орон байв

1961 онд Өмнөд Солонгос Азид сүүлээсээ 2т ордог ядуу орон байлаа. Тэдэнд баялаг ч байсангүй, мөнгө ч

2019-10-09