fbpx

Хиймэл оюунаас ашиг хүртэх улс бол зөвхөн АНУ ба Хятад

2018-03-27 622

 

Google China компанийн ерөнхийлөгч асан, технологийн хөрөнгө оруулагч Каи Фу Ли саяхан хиймэл оюуны технологийн ирээдүйн талаар сонирхолтой ярилцлагыг Edge цахим сэтгүүлд өгсөн байна.

Түүний үзэж байгаагаар ирээдүйд хиймэл оюунаас хамгийн их ашиг хүртэх боломжтой улсууд нь АНУ ба Хятад гэнэ. Дэлхийн бусад бүх улс орнуудын хувьд хүнд асуудалтай тулгарах нь гарцаагүй гэжээ.

“Хэдийгээр хүн ам олонтой байж болох ч хиймэл оюуныг хөгжүүлээгүй, өөрийн технологи байхгүй, өөрийн Google, Baidu, Alibaba, Facebook, Amazon, Tencent байхгүй улсуудад боломж хомс. Ийм улсууд нь үндсэндээ програм өндөр хөгжсөн орнуудын дата болж хувирах юм. Жишээ нь Африкийн нэг орны иргэд Facebook, Google-ийг өргөнөөр хэрэглэдэг бол тэд дээрх компаниудад мөнгө олоход нь туслах датаг л өгдөг газар болно. Харин үүнтэй зэрэгцэн өөрсдийнх нь ажлын байр роботоор солигдсоор байх юм” гэж тэр хэлсэн байна.

Ажлын байрыг автоматжуулсан үед хүмүүс юу хийхийг Ли хэлэхдээ “Бид үнэндээ нэгэн хэвийн механик ажлыг хийхээр төрсөн амьтан биш гэдгээ ойлгох цаг ирж байна. Бид бүтээхийн тулд, хайрлахын тулд төрсөн байх. Тиймээс бид зөвхөн хүн ажиллах боломжтой ажлын байруудыг бүтээхийг зорих хэрэгтэй болж байна” гэжээ.

Нэг үгээр хэлбэл компьютер хүний үнэ цэнийг бүрэн орлох зүйл биш гэж Ли үзэж байна.

Эх сурвалж: Quartz, Edge

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ

АНУ-д халдварын тархалтыг хязгаарлах удирдамжийг сунгажээ

“COVID-19” халдварын тархалтыг хязгаарлах үүднээс орон даяар хэрэгжүүлсэн зайнаас харилцах удирдамжи

2020-03-30

Хүндхэн амьдралаас өдөлж ниссэн “Харри Поттер”-ийн хатагтай

Өсвөр үеийнхний төсөөлөлд буй үлгэрийн шидэт ертөнц номын хуудаснаа амилж, улмаар тэр нь дэлхийн бүх

2020-03-30

Foreign Policy: Коронавирусын цар тахлын дараа дэлхий ямар болох вэ?

Коронавирусын цар тахал бол Берлиний хана нурж, “Леман Бразерс” дампуурч сүйрсэнтэй нэг адил дэлхий

2020-03-30