Улаанбаатар хотод ХАТУУ ХОГ ХАЯГДЛЫН дахин боловсруулах үйлдвэр БАРИНА

access_time 2018-05-14
note Мэдээ
remove_red_eye 22

Нийслэлийн Засаг дарга бөгөөд Улаанбаатар хотын Захирагчийн 2016-2020 үйл ажиллагааны хөтөлбөрт Хог хаягдлыг дахин боловсруулж, Эко-Паркийн дэд бүтцийг байгуулж, хог хаягдлын менежментийг сайжруулна гэж заасан. Морингийн давааны хогийн цэгт ландфил үйлдвэр байгуулах, барилгын болон барилга нураалтын хог хаягдлыг дахин боловсруулах байгууламж байгуулах төслийг Европын сэргээн босголт хөгжлийн банкны санхүүжилтээр хийхээр төлөвлөн зээлийн хэлэлцээрт гарын үсэг зурах асуудал энэ оны 03 дугаар сарын 27-ны өдрийн Засгийн газрын хуралдаанаар дэмжигдсэн билээ.

Тэгвэл энэ ажлын хүрээнд Европын Сэргээн Босголт Хөгжлийн Банкны Тэргүүн дэд ерөнхийлөгч ноён Юрген Ригтеринк, МУ-ын Сангийн дэд сайд Х.Булгантуяа болон Нийслэлийн Заса гдаргын орлогч П.Баярхүү нар “Улаанбаатар хотын хатуу хог хаягдлыг дахин боловсруулах байгууламжийг шинэчлэх төсөл”-ийн зээлийн гэрээ болон төсөл хэрэгжүүлэх гэрээнүүдэд гарын үсэг зурлаа. Уг үйл ажиллагаа нь Йорданы Хашемын Хаант улсын нийслэл Амман хотноо болж өнгөрлөө.

ЙОРДАНЫ НИЙСЛЭЛ АММАН ХОТ, УЛААНБААТАР ХОТТОЙ ХАМТЫН АЖИЛЛАГААНЫХАА ЭХЛЭЛИЙГ ТАВЬЛАА
Уг айлчлалын үеэр Нийслэлийн Засаг даргын орлогч П.Баярхүү нь Амман хотын захирагч Юүсеф Шаварбехтэй уулзаж хотуудын хамтын ажиллагааны талаар санал солилцлоо. Уулзалтын үр дүнд хотуудын хамтын ажиллагааны эхлэл албан ёсоор тавигдсаныг ноён Юүсеф Шаварбех онцолсон юм.

Холбоотой мэдээ

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

© 2018 Бүх эрх хуулиар хамгаалагдсан. amjilt.news

Холбоо барих: 8900-4549