“Гэр бүл, хүүхдийн хөгжилд баг хорооны Засаг дарга, хэсгийн ахлагч нарын үүрэг оролцоо” сургалт орон нутагт үргэлжилж байна

access_time 2018-06-11

Засгийн газрын хэрэгжүүлэгч агентлаг Гэр бүл, хүүхэд, залуучуудын хөгжлийн газар, Монгол Улсад Гэмт хэргээс урьдчилан сэргийлэх ажлыг зохицуулах зөвлөл хамтран “Гэр бүл, хүүхдийн хөгжилд баг хорооны Засаг дарга, хорооны хэсгийн ахлагчийн үүрэг оролцоо” сэдэвт үндэсний хэмжээний сургалтыг 21 аймаг, 9 дүүрэгт зохион байгуулж байгаа билээ. Тус сургалтын зорилго нь гэр бүл, хүүхдийн эсрэг хүчирхийллийг илрүүлэх, урьдчилан сэргийлэх тогтолцоог бэхжүүлэх, эрсдэлт нөхцөлд байгаа хүүхдийн судалгааг нас, хүйс, газар зүйн байршил, нийгэм эдийн засгийн байдал зэрэг үзүүлэлтээр гаргахад сум, багийн Засаг дарга, дүүрэг, хорооны хэсгийн ахлагч, ажилтнуудыг арга зүйгээр хангахад оршиж байна.

Сургалтаар гэр бүл, хүүхдийн хөгжил, аюулгүй байдлыг хангах эрх зүйн орчин, хэрэгжүүлэх механизмууд, гэр бүл, хүүхдийн хөгжлийн тулгамдсан асуудал тодорхойлох, гэр бүлийн хүчирхийллээс урьдчилан сэргийлэхэд хэсгийн ахлагчийн үүрэг оролцоо, эрсдэлт нөхцөлд байгаа хүүхэд, гэр бүлтэй ажиллах зэрэг лекц орж, багаар ажиллуулж байгаа юм.

Холбоотой мэдээ

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

© 2018 Бүх эрх хуулиар хамгаалагдсан. amjilt.news

Холбоо барих: 7711-6060