fbpx

ДАШТ-ий завсарлагаар Токио даяар жорлонгийн ус таталт огцом нэмэгджээ

2018-06-26 1783

ДАШТ-д оролцож байгаа Японы шигшээ баг хэсгийнхээ нээлтийн тоглолтонд Өмнөд Америкийн Колумб улсын шигшээ багийг 2:1 харьцаагаар хожсон нь түүхэн амжилт байсан юм.

Тэгвэл энэхүү тоглолтын эхний 45 минутыг шимтэн үзсэн япончууд завсарлагаар олуулаа нэгэн зэрэг жорлонд орсноос болж Токио хотын бохирын усны хэрэглээ 24 хувиар нэмэгдсэн болохыг албаныхан Баасан гарагт мэдээлжээ.

Хотын ус хангамжийн газрын ажилтан “Тоглолтын үеэр хүмүүс жорлон орж чадахгүй тэвчиж байснаас завсарлагын цагаар хэрэглээ огцом нэмэгдсэн гэж бид таамаглаж байна” гэж хэвлэлд ярьсан байна.

Мягмар гарагт болсон уг тоглолтын хоёрдугаар үе дуусахад япончууд дахин жорлон руу гүйлдэж, энэ үед усны хэрэглээ 50 хувь өссөн гэнэ.

Токиогийн ус хангамжийн газар ийм зүйл болно гэдгийг урьдчилан тооцоолж, техникийн болон нөөцийн хувьд бэлтгэлтэй байснаа албаныхан бас ярьжээ.

Тэд мөн Ням гарагт болох Япон-Сенегалын тоглолтын өмнө ижил бэлтгэл арга хэмжээг авна гэдгээ мэдэгдсэн байна.

Эхний тойргийн тоглолтын үеэр Япончуудын телевиз үзэлтийн 48.7 хувь нь ДАШТ-д ноогдож байсан нь Пёнчаны өвлийн олимпоор Юзүрү Ханюгийн алтан медалийн тоглолтыг үзсэн 33.9 хувиас давсан гэнэ.

 

Эх сурвалж: Japan Times

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ

Австралид хүүхдээ шим тэжээлийн ноцтой дутагдалд оруулсан “веган” эцэг эхийг шийтгэжээ

Өнөөдөр Австралийн Сидней хотын шүүх бага насны хүүхдээ шим тэжээлийн дутагдалд оруулж, эрүүл мэндий

2019-08-22

Дани улсын банк хасах хүүтэй хадгаламжийн үйлчилгээ танилцуулжээ

Дани улсын томоохон банкнуудын нэг Jyske Bank өчигдөр саятнуудад зориулсан хасах хүүтэй хадгаламжийн

2019-08-22

Меган Марклийг жинсэн өмд өмсөхийг хоригложээ

Их Британийн Хатан хаан II Элизабет Суссексийн гүнж Меган Марклийг уранхай, цоорхой жинсэн өмд өмсөх

2019-08-21