fbpx

ҮЙЛДВЭРЛЭГЧ БИДЭНД БОЛОМЖ БИЙ

2018-10-25 426

 

Хан-Уул дүүргийн Жижиг Дунд Үйлдвэрлэлийг Дэмжих Төвөөс санаачлан “Үйлдвэрлэгч танд” сэдэвт хамтын ажиллагааг сайжруулах уулзалтыг 2018 онд нийт 5 удаа зохион байгуулж 200 гаруй үйлдвэр эрхлэгчдийг хамруулан ажиллаа.

Үйлдвэр эрхлэгчдэд харилцан туршлага солилцон, мэргэжлийн байгууллагаас хэрэгцээт мэдээллийг авч бүтээгдэхүүн үйлчилгээг чанаржуулахад туслахаас гадна төрийн үйлчилгээг иргэдэд ойртуулж, төрд итгэх иргэдийн итгэлийг нэмэгдүүлэхэд чиглэн зохион байгуулагддаг тус уулзалтын 2018 оны хамгийн сүүлийн уулзалт арьс шир, гар урлал үйлдвэрлэгчдийн дунд амжилттай зохион байгуулагдаж 30 гаруй үйлдвэр эрхлэгчид оролцлоо.


Арга хэмжээд дүүргийн Мэргэжлийн Хяналтын Хэлтэс, Татварын Хэлтэс, Худалдаа Хөгжлийн Банк зэрэг мэргэжлийн байгууллагууд оролцож үйлдвэр эрхлэгчдэд салбарын чиглэлд тохирсон мэдээлэл зөвлөгөөг хүргэн тэдний асуултанд хариулт өгч үйлдвэр эрхлэгчдийн хувьд үр дүнтэй боллоо.

Мөн өөрийн үйлдвэрлэлээ амжилттай өргөжүүлэн ажиллаж байгаа арьс жижиг эдлэл үйлдвэрлэгч “Пици” ХХК-ний захирал Г.Отгон, эсгий бүтээл урлаач О.Долгормаа нар өөрсдийн үйл ажиллагааны туршлагаас үйлдвэр эрхлэгчдэд хуваалцан харилцан туршлага солилцож, “БИДЭНД БОЛОМЖ БИЙ, ГАГЦХҮҮ ЗӨВ ЗАМААР ЗӨВ ХӨДӨЛМӨРЛӨХ НЬ ЧУХАЛ” гэдгийг онцолсон юм.


Жижиг Дунд Үйлдвэрлэлийг Дэмжих Төвөөс үйл ажиллагааны чиглэл болон үйлдвэр эрхлэгчдийг дэмжих зорилгоор зохион байгуулагддаг олон талт арга хэмжээний тухай танилцуулгыг хийн “Хан-Уулд үйлдвэрлэв” сэтгүүлийн шинэхэн дугаарыг танилцуулан тараалаа.

“Үйлдвэрлэгч танд” сэдэвт хамтын ажиллагааг сайжруулах уулзалт ирэх онд салбар салбарын үйлдвэрлэгчдийн дунд дахин зохион байгуулагдах болно.

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ

“ABU Robocon–2019 Mongolia” олон улсын роботын тэмцээн Монгол Улсад анх удаа болно

Монголын үндэсний олон нийтийн радио, телевиз Ази, Номхон далайн бүсийн орнуудын өргөн нэвтрүүлгийн

2019-08-23

Вьетнам Улсын Элчин сайдыг хүлээн авч уулзлаа

Нийслэлийн Засаг дарга бөгөөд Улаанбаатар хотын Захирагч С.Амарсайхан Бүгд Найрамдах Социалист Вьетн

2019-08-23

Хичээлийн шинэ жил эхлэхтэй холбогдуулан амралтын өдрүүдэд автомашин тэгш сондгойгоор зорчино

2019-2020 оны хичээлийн шинэ жил эхлэхтэй холбогдуулан замын хөдөлгөөний ачааллыг бууруулах зорилгоо

2019-08-23