fbpx

Мэргэжлээс шалтгаалсан өвчний өнөөгийн байдал

2018-12-05 204

 

Ажилтан хөдөлмөрлөх үүргээ биелүүлэх явцад ажлын байран дахь эрсдэлт болон сөрөг хүчин зүйлийн нөлөөллөөс эрүүл мэндэд нь өвчин эмгэг үүсэхийг мэргэжлээс шалтгаалсан өвчин гэнэ.

Тиймээс хүнд үйлдвэр уурхайн салбарынхан мэргэжлийнхээ онцлогоос хамаарч өвчин эмгэг үүсгэх өндөр эрсдэлтэй ажлын нөхцөлд ажилладаг юм. Тухайлбал их дуу чимээтэй орчинд ажилладаг ажилтан сонсгол хамгаалах хэрэгсэл бүрэн, тогтмол хэрэглээгүй, ажил олгогчоос бүрэн хангагдаагүй, чанар шаардлага хангахгүй, ажилтан суурь сонсголын эмгэгтэй ажилд орсон зэргээс шалтгаалан харилцан адилгүй мэргэжлийн шалтгаант эмгэг үүсдэг байна.

Манай улсад 2018 оны эхний 11 сарын байдлаар мэргэжлээс шалтгаалсан өвчний хяналтад нийт 3236 өвчтөн бүртгэлтэй хянагдаж байна. Энэ онд 47 хүн шинээр мэргэжлээс шалтгаалсан өвчний онош тогтоолгосон байна. Тус эмнэлгийн хийсэн судалгаагаар Мэргэжлээс шалтгаалсан өвчин нь салбарын онцлогтой уялдаад эрэгтэйчүүдийн өвчлөл эмэгтэйчүүдээс 90 хувиар илүү, харин насны хувьд ажил хөдөлмөрлөх ид насны буюу 40-49 насныхан эзэлж байна.

Тиймээс ажил хөдөлмөр эрхэлж буй иргэн та ажлын байран дээрээ ямар химийн бодис, ямар эрсдэлт хүчин зүйлтэй харьцаж ажиллаж байгаагаа мэдэх хэрэгтэй. Мөн ажлын байран дээр хэрэглэгдэж буй багаж, тоног төхөөрөмжийн аюулгүй ажиллагааны заавар зөвлөмжийн хэрэгжилтэнд хяналт тавих, өөрийгөө учирч болзошгүй эрсдлээс сэргийлэх мэдлэг боловсрол, мэдээлэлээр хангагдаж, хөдөлмөрийн аюулгүй ажиллагааны болон эрүүл мэндийн боловсрол олгох сургалтуудад суралцаж байх нь зүйтэй.

Эдгээрээс үндэслээд ажилтан хүн зөвхөн өөрийн эрүүл мэнд, ажил хөдөлмөрийн аюулгүй байдлыг хангаад зогсохгүй ажил олгогчийн зүгээс хөдөлмөрийн аюулгүй байдал хангахад шаардагдах хууль эрх зүй, дүрэм журам зааврын хүрээнд ажилтаны эрүүл аюулгүй ажиллах орчин нөхцөл, ажлын байраар хангаж, хяналт тавьж ажиллах зайлшгүй шаардлагатай юм.

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ

Наадамчдын зам дагуух тохижилт, ногоон байгууламжийн ажил үргэлжилж байна

Нийслэлийн Засаг дарга бөгөөд Улаанбаатар хотын Захирагч С.Амарсайхан өнөөдөр Хан-Уул дүүргийн 4

2019-06-14

Төв талбайн урд хэсгийн 2.5 га газарт тохижилтын зураг төсөл боловсруулах уралдааны шилдгүүд тодорлоо

Нийслэлийн Засаг даргын 2019 оны А/439 дугаартай захирамжийн дагуу Д.Сүхбаатарын талбайн урд хэс

2019-06-14

“НИЙСЛЭЛИЙН СОЁЛЫН ЭЛЧ” ажиллуулах журамд санал авч байна

Нийслэлийн 152 хорооны нутаг дэвсгэрт ажиллаж, амьдарч буй иргэд, хүүхэд залуучууд, олон нийтэд чигл

2019-06-13