fbpx

Зэвсэгтэй цэргийг ОХУ-ын талтай хамтран хайж байна

2019-02-01 407

Увс аймгийн Баруунтуруу сумын 0311 дүгээр ангид алба хааж байсан цэрэг В нь энэ сарын 30-нд харуулд гарч байгаад оргосон талаар бид өмнө нь мэдээлсэн. В нь Завхан аймгийн Асгат сумаас цэрэгт татагдсан бөгөөд одоогоор ээж, аав нь тус цэргийн анги дээр очоод байгаа юм.

Эрлийн ажиллагааны талаар, түүнд дарамт үзүүлж байсан эсэхийг Хил хамгаалахын ерөнхий газраас тодруулахад “Цэргийн алба хаагч В-г хил хамгаалах газар болон цагдаагийн байгууллага, ОХУ-ын хилийн цэрэг хамтран хайж байгаа. Эрлийн ажиллагаа үргэлжилж байна. Цэрэгт дарам учруулж байсан эсэх, чухам яагаад алга болсныг тогтоохоор цагдаагийн байгууллага тус ангид ажиллаж байгаа” гэлээ.

Харин цагдаагийн байгууллагаас энэ талаар асуухад “Эрлийн ажиллагаа үргэлжилж байна. Цэрэг хил давсан байх магадлалтай тул ОХУ-ын хилийн цэрэг эрэн хайж байна. Мөн харуулын байраа орхин явсан шалтгааныг тогтоохоор ажиллаж байгаа. Үүнд олон хүчин зүйл нөлөөлсөн байж болно. Хэрэв санаатайгаар албаа орхин явсан бол Эрүүгийн хуулиар асуудлыг шийдвэрлэнэ” гэлээ.

Эрүүгийн хуулийн 28.5.1 зааснаар “Цэргийн алба хаагч цэргийн албанаас зайлсхийх зорилгоор цэргийн анги, байгууллагад алба хааж байгаа газраа дур мэдэн орхиж явсан, эсхүл албан томилолт, амралтын чөлөө дууссан, эсхүл эмнэлгээс гарсны дараа эргэж ирээгүй бол зургаан сараас нэг жил хүртэлх хугацаагаар хорих ялаар шийтгэнэ” гэжээ.

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ

“ABU Robocon–2019 Mongolia” олон улсын роботын тэмцээн Монгол Улсад анх удаа болно

Монголын үндэсний олон нийтийн радио, телевиз Ази, Номхон далайн бүсийн орнуудын өргөн нэвтрүүлгийн

2019-08-23

Вьетнам Улсын Элчин сайдыг хүлээн авч уулзлаа

Нийслэлийн Засаг дарга бөгөөд Улаанбаатар хотын Захирагч С.Амарсайхан Бүгд Найрамдах Социалист Вьетн

2019-08-23

Хичээлийн шинэ жил эхлэхтэй холбогдуулан амралтын өдрүүдэд автомашин тэгш сондгойгоор зорчино

2019-2020 оны хичээлийн шинэ жил эхлэхтэй холбогдуулан замын хөдөлгөөний ачааллыг бууруулах зорилгоо

2019-08-23