fbpx

Өнөөдөр Фэйсбүүк 15 нас хүрч байна

2019-02-04 351

Дэлхийн хамгийн том сошиал сүлжээнд тооцогддог Фэйсбүүк 2004 оны хоёрдугаар сарын 4-ний өдөр Харвардын их сургуулийн дотуур байранд байгуулагдаж байжээ.

Марк Зукербэргийн байгуулсан сошиал сүлжээ өнөөдөр дэлхийн 2.3 тэрбум гаруй хүний хэрэглээ болоод байна. Гэвч тус компани хэрэглэгчдийнхээ эрх ашгийг хамгаалахаас илүү олон хүн татах өсөлтийн бодлого явуулж ирсэн нь сүүлийн жилүүдэд хүчтэй шүүмжлүүлж байгаа.

Тус компанийн хэрэглэгчдийн хувийн мэдээлэл санаатай болон санаандгүй байдлаар бусдын гарт орсон асуудлууд сүүлийн жил гаруй хугацаанд илэрсэн юм. 

Өнөөдөр Фэйсбүүк нь Гүүглийн дараа онлайн зар сурталчилгаанаас орлого олдог хоёр дахь том компани болоод байна. Өнгөрсөн жил тус компанийн хувьд хүнд хэцүү жил байсан ч Фэйсбүүкийн 2018 оны ашиг $22 тэрбумд хүрч дээд амжилт тогтоожээ. Борлуулалтын орлого нь $55 тэрбум болсон юм.

Олон нийтийн шүүмжлэлийг хүлээн авсан Фэйсбүүк хүмүүсийн итгэлийг сэргээхийн тулд 30 гаруй мянган ажилтныг “мэдээллийн аюулгүй байдал”-ын чиглэлд ажиллуулж, олон тэрбумын хөрөнгө зарцуулаад байна.

Одоо 34 настай үүсгэн байгуулагч, гүйцэтгэх захирал Марк Зукербэрг 2019 оны хувийн зорилгоо олон нийтийн дуу хоолойг сонсох, технологи нийгэмд хэрхэн сайнаар нөлөөлж болохыг судлах гэж зарлажээ.

Эх сурвалж: AFP

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ

Австралид хүүхдээ шим тэжээлийн ноцтой дутагдалд оруулсан “веган” эцэг эхийг шийтгэжээ

Өнөөдөр Австралийн Сидней хотын шүүх бага насны хүүхдээ шим тэжээлийн дутагдалд оруулж, эрүүл мэндий

2019-08-22

Дани улсын банк хасах хүүтэй хадгаламжийн үйлчилгээ танилцуулжээ

Дани улсын томоохон банкнуудын нэг Jyske Bank өчигдөр саятнуудад зориулсан хасах хүүтэй хадгаламжийн

2019-08-22

Меган Марклийг жинсэн өмд өмсөхийг хоригложээ

Их Британийн Хатан хаан II Элизабет Суссексийн гүнж Меган Марклийг уранхай, цоорхой жинсэн өмд өмсөх

2019-08-21