fbpx

Оросын умард туйлын сууринг цагаан баавгайнууд эзэлсэн тул онц байдал зарлажээ

2019-02-11 382

Умард мөсөн далайн Новая Земля арлын хүн амын суурьшлын бүсэд цагаан баавгайнууд олноор нэвтэрч, аюулгүй байдалд заналхийлж эхэлсэнтэй холбоотойгоор онц байдал зарласныг ОХУ-ын Архангельск мужийн захирагч мэдээлжээ.

Онц байдлыг өнгөрсөн Бямба гарагаас эхлэн зарласан байна. Доод тал нь 52 цагаан баавгай 2018 оны сүүлээс эхлэн тус арлын Белушья Губа нэртэй суурингийн ойролцоо нүүдэллэн иржээ.

Сүүлийн үед тэдгээр баавгайнууд айлууд, албан байгууллагуудын байранд нэвтрэх, хүн рүү довтлох тохиолдол гарах болсон байна.

Одоогоор зургаагаас арав хүртэл тооны цагаан баавгай суурин дотор тогтмол байдаг болжээ.

“Иргэд, сургууль цэцэрлэгүүдээс аюулгүй байдлыг хангах хүсэлтүүд хэд хэдэн удаа ирсэн. Хүмүүс айн болгоомжилж байна. Хүүхдүүдээ сургууль, цэцэрлэгт явуулахаас эцэг эхчүүд нь айж байна” гэж Новая Земля арлын захиргааны дэд тэргүүн Александр Минаев онц байдал зарлах болсон шалтгаанаа тайлбарлажээ.

Цэцэрлэгүүдийн гадна талд төмөр тор татаж, цэргийн алба хаагчид, машин техникүүдийг харуулд гаргасан байна. Цагаан баавгайг буудаж хөнөөх санаачилгыг Оросын байгаль хамгаалах газар зөвшөөрөөгүй гэнэ. Тусгай мэргэжилтэн Новая Земляд томилолтоор ажиллаж, нөхцөл байдлыг үнэлээд галт зэвсэг хэрэглэх хэмжээнд хүрээгүй гэж дүгнэжээ.

Нутгийн оршин суугчид ийм олон тооны цагаан баавгай сууринд нь ирсэн анхны тохиолдол болсныг баталж байна.

Эх сурвалж: ТАСС

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ

Австралид хүүхдээ шим тэжээлийн ноцтой дутагдалд оруулсан “веган” эцэг эхийг шийтгэжээ

Өнөөдөр Австралийн Сидней хотын шүүх бага насны хүүхдээ шим тэжээлийн дутагдалд оруулж, эрүүл мэндий

2019-08-22

Дани улсын банк хасах хүүтэй хадгаламжийн үйлчилгээ танилцуулжээ

Дани улсын томоохон банкнуудын нэг Jyske Bank өчигдөр саятнуудад зориулсан хасах хүүтэй хадгаламжийн

2019-08-22

Меган Марклийг жинсэн өмд өмсөхийг хоригложээ

Их Британийн Хатан хаан II Элизабет Суссексийн гүнж Меган Марклийг уранхай, цоорхой жинсэн өмд өмсөх

2019-08-21