ЗАСГИЙН ГАЗРЫН ДАРААГИЙН ХУРАЛДААНААР САЙД НАРЫН БҮТЭЭН БАЙГУУЛАЛТЫН АЖЛЫН ЯВЦТАЙ ТАНИЛЦАНА

2019-02-13 182 0

Засгийн газрын ээлжит хуралдаан өнөөдөр боллоо. Энэ үеэр Ерөнхий сайд У.Хүрэлсүх дараах бүтээн байгуулалтын ажлуудын явцыг танилцуулахыг сайд нарт үүрэг болгов.

Тодруулбал, Уул уурхай, хүнд үйлдвэрийн сайд Д.Сумъяабазарт Тавантолгойн IPO буюу гадны зах зээлээс хөрөнгө босгохтой холбоотой бэлтгэл ажлын явцыг танилцуулах, Байгаль орчин, аялал жуулчлалын сайд Н.Цэрэнбатад ирэх тавдугаар сарын 15-аас Улаанбаатар хот руу ахуйн зориулалтаар түүхий нүүрс оруулахыг хориглосонтой холбоотойгоор хяналт, шалгалт, зохион байгуулалт болон яамд, нийслэл хоорондын хамтын ажиллагаа зэргийн талаар танилцуулахыг үүрэг болголоо.

Мөн Эрчим хүчний сайд Ц.Даваасүрэнд боловсруулсан түлшний үйлдвэрийн хүчин чадлыг нэмэгдүүлэх, нөөц бүрдүүлэх, хэрэглээнд нэвтрүүлэх, чанарын талаар танилцуулах, Зам, тээврийн хөгжлийн сайд Б.Энх-Амгаланд Тавантолгойн төмөр зам, авто замын бүтээн байгуулалтын бэлтгэл ажлын талаар танилцуулах болон Төв цэвэрлэх байгууламжийн барилгын ажлыг ирэх сараас эхлүүлэх бэлтгэл ажлын явцыг танилцуулахыг Барилга хот байгуулалтын сайд Х.Баделхан нарт даалгалаа.

Уг асуудлаар сайд нар ирэх долоо хоногийн Засгийн газрын хуралдаанаар  танилцуулах юм.

Leave a Reply

Your email address will not be published. Required fields are marked *

Холбоотой мэдээ

“Энэтхэгийн Их Сургууль”-ийн 2019 оны тэтгэлэг

Энэтхэг улсын Банглор их сургууль, SRM сургууль, Amjora компанитай 2017-2018 оны хооронд х

2019-04-19

Ерөнхийлөгч Х.Баттулга АНУ-ын Конгресст өргөн барьсан Гуравдагч хөршийн худалдааны тухай хуулийг дэмжиж буйгаа илэрхийллээ

АНУ-ын Конгрессын Төлөөлөгчдийн танхимын гишүүн Тэд Йохо нарын нэр бүхий гишүүд 2018 оны долоодугаа

2019-04-16

Системийн шийдэлд суурилсан бойжуулах хөтөлбөртөө урьж байна.

Гарааны бизнест хөрөнгө оруулалтын сонирхолтой боломжийг санал болгодог Сократус студио ХХК-аас

2019-04-05