ГХЯ-ны консулын газрын захирал БНСУ-ын ГХЯ-ны удирдлагуудтай уулзлаа

2019-05-10 Улс төр

Гадаад харилцааны яамны Консулын газрын захирал Л.Мөнхтүшиг 2019 оны 5 дугаар сарын 8-9-ний өдрүүдэд БНСУ-ын Сөүл хотноо ажиллаж, тус улсын Гадаад хэргийн яамны Иргэд, консулын асуудал хариуцсан орлогч сайд Ли Сан Жин-тэй уулзаж, ГХЯ-ны Консулын газрын дарга Ү Ин Шиг-тэй өргөтгөсөн уулзалт хийлээ.

Эдгээр уулзалтаар өнгөрсөн 3 дугаар сард Монгол Улсын Ерөнхий сайд У.Хүрэлсүх, БНСУ-ын Ерөнхий сайд Ли Наг Ён нарын албан ёсны хэлэлцээний үеэр тохиролцсоны дагуу хоёр улсын иргэд харилцан зорчих нөхцөлийг хөнгөвчлөх, алсдаа визгүй зорчиход чиглэсэн замын зураглал гаргах, цаашид визгүй зорчих асуудлаар санал солилцож, БНСУ-аас Монгол Улсад суугаа ЭСЯ-тай хамтран хэрэгжүүлж буй “Хариуцлагатай аялцгаая” аяны талаар мэдээлэл өгсөн бөгөөд Солонгос Улсад зорчих виз мэдүүлсэн монгол иргэдэд хариу өгөх хугацаа 3 сар орчим үргэлжилж байгаад анхаарал хандуулахыг хүсэв.

Солонгосын тал БНСУ-д оршин сууж буй монгол иргэдийн дунд визийн хугацаа хэтрүүлсэн буюу хууль бусаар оршин суугчдын тоог бууруулах, монгол иргэд солонгосын виз мэдүүлэхдээ хуурамч бичиг баримт бүрдүүлж байгаа явдлыг бууруулах нэн шаардлагатай байгааг тэмдэглэж, зохих арга хэмжээ авах хэрэгтэйг онцолсон байна.

Консулын газрын захирал Л.Мөнхтүшиг Сөүл хотод ажиллах үеэрээ мөн БНСУ-ын ГХЯ-ны Консулын үйлчилгээний төвтэй танилцаж, цахим нотариат, Апостилийн үйлчилгээний талаар туршлага судалсан болно.

Эх сурвалж: ГАДААД ХАРИЛЦААНЫ ЯАМ

Холбоотой мэдээ

Өндөржүүлсэн бэлэн байдлын хугацааг долдугаар сарын 31-нийг дуустал сунгалаа

Засгийн газрын өнөөдрийн хуралдаанаас өндөржүүлсэн бэлэн байдлын хугацааг 2020 оны долдугаар сар

2020-07-10

Ч.Ундрам боловсролын салбарын бодлогыг барилцана

2020 оны УИХ-ын сонгуулийн үр дүнгээр бүрэлдсэн парламентад шинэ залуу боловсон хүчнүүд олон түр

2020-07-10

Үндэсний их баяр наадмын мэндчилгээ дэвшүүлэв

Бүрэн эрхт, тусгаар тогтносон Монгол Улсын иргэд ээ, Та бүхэндээ Тулгар төрийн 2229, Их Монго

2020-07-10