fbpx

Facebook 2020 онд өөрийн цахим валют гаргана

2019-05-28 1013

Facebook компани өөрийн цахим валют боловсруулж байна. Ирэх онд хэрэглээнд нэвтрүүлэхээр төлөвлөсөн тухай ВВС мэдээллээ.

GlobalChain системийн ажиллагааг энэ оны сүүлчээр туршилтын журмаар эхлүүлнэ гэдгийг ч Британийн мэдээллийн агентлаг онцоллоо.

Facebook компани өөрийн тоон төлбөр тооцооны системийг ирэх оны эхний улиралд хэрэглээнд нэвтрүүлэхээр төлөвлөж байгаа бөгөөд эхний ээлжинд дэлхийн 10 улсад ашиглах юм байна. Энэ зундаа багтаан Америкийн компанийн удирдлагууд өөрийн тоон валютын талаарх төлөвлөгөөгөө дэлгэрэнгүй танилцуулах гэнэ.

Facebook компанийн захирал Марк Цукербер Английн Банкны тэргүүн Марк Карнитэй сарын өмнө уулзалт хийсэн бөгөөд тус уулзалтаар криптовалют гаргахтай холбоотой эрсдлүүдийн талаар ярилцжээ. Facebook компанийн удирдлага түүнчлэн зөвлөгөө мэдээлэл авахаар АНУ-ын Сангийн яаманд ч ханджээ.

Олон хэрэглэгч Facebook компани санхүүгийн үйлчилгээний зах зээлд хөл тавихыг хүлээж байсан гэж хэлж болно. 2014 онд тус компани PayPal олон улсын төлбөр тооцооны системийн экс Ерөнхийлөгч Дэвид Маркусийг эгнээндээ нэгтгэсэн бөгөөд тэрээр өнөөдөр Facebook компанид Блокчэйн технологи боловсруулалтын хэлтсийг тэргүүлдэг байна.

Криптовалют гэдэг нь тоон валютын нэг хэлбэр бөгөөд криптографик аргачлал дээр суурилсан. Блокчэйн буюу мэдээлэл хадгалах төхөөрөмж нь нэгдсэн сүлжээнд холбогдоогүй, төвөөс хараат бус мэдээллийн баазын технологи дээр суурилсан. Криптовалютын олон улсад хамгийн танигдсан жишээ бол биткойн. Сүүлийн жилүүдэд биткойны хэрэглээ олон улсад хурдацтай өсөн нэмэгдэж байгаа билээ.

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ

COVID19-Бизнест нөлөөлж буй байдлын нэгдсэн судалгаа гарчээ

БНХАУ-д гарсан шинэ корона вирусээс урьдчилан сэргийлэх арга хэмжээний бизнест үзүүлж байгаа үр нөлө

2020-04-07

Банк хоорондын бага дүнтэй гүйлгээний шимтгэл 60 төгөргөөр буурчээ

Монголбанк санаачлан Олон улсыг хамарсан COVID-19 вирусийн халдвараас урьдчилан сэргийлэх, эрсдэлийг

2020-04-01

Монгол банк: Зээлийн төлөлт өөрчлөх, ангилал бууруулахгүй байх зэргийг банкууд бие даан шийднэ

Covid-19 цар тахалтай холбоотойгоор нийтээр мөрдөж буй хязгаарлалт, хорио цээрийн дэглэм нь зарим аж

2020-03-30