fbpx

Танд тус болох зөвлөгөө: “Амжилт”-ын Ж.Шижир

2019-06-06 6008

Amjilt.news –ээс уламжлал болгон бизнесийн салбарт амжилттай яваа залуусын амьдралдаа болон бизнестээ хэвшүүлж хэрэгжүүлдэг чухал зөвлөгөөг ТАНД ТУС БОЛОХ ЗӨВЛӨГӨӨ цувралаар хүргэхээр боллоо.  

Өдгөө 33 насандаа дунд сургууль, их сургууль, худалдааны компани, IT-гийн компани, студи, хэвлэл мэдээллийн компаниудаа амжилттай удирдаж яваа Ж.Шижир гэх залуугийн бизнес болоод амьдралдаа хэвшүүлсэн 7 зөвлөгөөг хүргэж байна.     

  1. Зорилгодоо төвлөр

Амьдралд ганцхан чамаас үл хамаарсан гадны олон асуудлууд нөлөөлж байдаг. Найз нөхөд хамрагч улстөр нийгмийн байдлын гэх мэт. Тиймээс үүнээс боллоо, тэрнээс боллоо гэхээсээ илүү яг яавал энэ ажлаа бүтээх үү, яавал энэ зорилгодоо би хүрч чадах вэ гэдгийг олохын тулд төвлөрөх хэрэгтэй. Түүнийгээ олон талаас нь эргэцүүлж, мөн олон талаас нь харж шийдлийг олох хэрэгтэй. Бүх зүйл чиний анх бодож төлөвлөж байсан шиг болохгүй тиймээс төвлөр, “боломж, шийдэл үргэлж байдаг”.

2. Апп хэрэглэж сур

Миний хэрэглэдэг Google Keep гэдэг апп байдаг. Энэ нь төлөвлөгөөний апп юм. Хийх ажлууд болон худалдаж авах ёстой зүйлүүд ч юм уу бүх зүйлээ текст, зургаар, дуу хураах /voice/ хэлбэрээр жагсаалт үүсгэдэг. Үүнийгээ өөрт болон бусад хүмүүст түгээж /share/ хамтдаа харж болдог. Энэ апп нь олон зүйл амжуулдаг хүнд маш амар бөгөөд ажлаа цаг бүртээ санаж байх болно. Төлөвлөгөөгөө өдөр бүрээр гаргаж, түүнийхээ биелэлтийг ажлаа дуусгаад харж байх нь маш сайн.

3. Зорилгодоо хөрөнгө оруул

Таны зорилго мөрөөдөлд мэдлэг чадвар болон материаллаг зүйлс хэрэгтэй бол түүндээ л олсон орлогоо зарцуул. Хэдийгээр хүний хэрэгцээ мундахгүй ч зорилготой олсон мөнгөө зарцуулж чадвал ирээдүйд илүү ихийг хүртэх болно.  

4. Идэвхтэй бай

Чи компьютер тоглоом тоглож байвал түүнийгээ л сайн тогло, эсвэл чи ажлаа хийж байгаа бол үнэхээр ажлаа л сайн хий. Шоудаж байгаа бол шоудсан шиг шоуд. Үүгээр юуг хэлэх гээд байна вэ  гэвэл аливаа зүйлийг хийж л байгаа л бол хийсэн шиг хийж, тэрэндээ маш идэвхтэй бай.

5. Бусадтай хуваалц

Одоо болон ирээдүйд хийх гэж байгаа зүйлийнхээ талаар бусадтай хуваалц. Шинэ ажил эхлэх гэж байгаа бол, шинэ зүйл турших гэж байгаа бол бусдад ярь. Хүмүүсийн нэг дутагдалтай тал нь нууцаа алдчина гэдэг юм уу, эсвэл нөгөө цагаан хэл аманд орчино гэх нь их байдаг. Энэ бол үгүй ээ. Харин ч та бусадтай ажлаа хуваалцаж ярилцсанаар тархин доторх мэдлэг, мэдээллээ системтэйгээр цэгцэлж авснаараа илүү бодитой төсөөлж харах болно. Чиний ярилцаж байгаа хүн өндөр боловсролтой ч байж болно эсвэл эсрэгээрээ ч байж болно.

6. Бүх мэдээллээ мэдэж бай

Энэ нь өөрт хамааралтай гэх бүхий л зүйлээ мэдэж байх ёстой. Жишээ нь, миний биеийн байдал, миний ажил, миний орлого, би сард хэд төгрөг олох ёстой, юу юуны төлбөр, лизинг төлөх ёстой гэх мэтчилэн. Үүнийг мэдсэнээр чи төлөвлөж сурна. Миний утасны төлбөр энэ сар яагаад их гарчив, дараа сард юуг багасгах ёстой вэ гэх мэтчилэн бүх мэдээллээ мэдэж байж цаашдаа эрүүл, аз жаргалтай байх үндэс нь бий болж өгнө.

Одоо хаана, ямар байгаагаа мэдэхгүй байж ирээдүйд ямар болно гэдгээ мэднэ гэдэг маш хэцүү.  

7. Онлайнаар суралц

Онлайнаар суралцсанаар цаг хугацаа хэмнэнэ, дуртай цагтаа сурна, байршил хамаарахгүй гэх мэт маш олон давуу талтай. Хүн өдөр болгон л бага багаар юм иддэг, нэг идчээд дахиж идэхгүй байна гэсэн зүйл байхгүй шиг онлайнаар ч бас бага багаар суралцаж, тогтмол мэдлэгээ тэлж үзэж байх хэрэгтэй.

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ

Шулуун гэдсэнд хуримтлагдсан бохирдлыг цэвэрлэх хоргүй арга

Шулуун гэдсийг салст, өтгөн, шимэгч, хорт бодисоос цэвэрлэх нь олон өвчнөөс зайлсхийх арга зам юм. Х

2019-10-17

Эцэг эхдээ хэрхэн хандахаас таны энэ насны амьдрал асар их харгалзана

Чандмань эрдэнэ хэмээх энэ үг нь санскрит үг бөгөөд “Чинта мани” хэмээх хоёр үгний нийлэмж юм. Чинт

2019-10-14

Шар тос нь турааж ялангуяа гэдэсний өөхийг хурдан арилгадаг

Хүн амьтан байтугай ус хүртэл эцдэг гэх хаврын улиралд хамгаас зохист идээ бол халуун хүйтнийг тэнцү

2019-10-14