fbpx

Хятад ажилчидтай хийсэн зодооны улмаас Бангладешийн цахилгаан станцын төсөл хойшилжээ

2019-06-24 3230

 

Өнгөрсөн Лхагва гарагт Бангладеш улсад баригдаж байгаа нүүрсээр ажилладаг цахилгаан станцын газар дээр хятад, бангладеш ажилчдын хооронд томоохон мөргөлдөөн гарснаас төслийн дуусах хугацаа хойшилсон талаар албаны хүн Ням гарагт мэдээлжээ.

Бангладеш, Хятад улсууд 50, 50 хувиар хөрөнгө нийлүүлэн босгож байгаа $2.5 тэрбумын өртөгтэй 1,320 Мегаваттын цахилгаан станц ирэх оны эхээр ашиглалтад орох байсан юм.

Нэгэн бангладеш ажилчин осолдож амиа алдсаны дараа нутаг нэгтнүүд нь түүний үхэлд хятад ажилчдыг буруутгаснаар мөргөлдөөн эхэлсэн байна. Үр дүнд нь нэг хятад ажилчин амиа алдаж, зургаан ажилчин бэртжээ.

Цахилгаан станцын төсөл дээр нийт 8,000 хүн ажиллаж байгаагийн 2,700 нь Хятадаас ирсэн ажилчид юм байна.

Мөргөлдөөний дараа 16 бангладеш ажилчныг цагдаа нар саатуулан шалгаж эхэлжээ. Зодооны үеэр станцын зарим үнэтэй техник хэрэгсэл эвдэрч, хулгайд алдагдсан нь төслийг хойшлуулах гол шалтгаан болсон байна.

Зодоонд нийт 600 орчим ажилчин оролцсон тухай цагдаагийн газар мэдээлжээ. Ням гарагаас эхлэн бангладеш ажилчдыг 15 өдөр амрааж, энэ хугацаанд мөргөлдөөний үеэр сүйдсэн станцын барилгын газарт цэгцэлж, цэвэрлэх ажил гүйцэтгэхээр болсныг төслийн менежэр Абдул Мовла мэдэгдсэн байна.

Сүүлийн жилүүдэд Хятад улс “Бүс ба Зам” дэд бүтцийн аварга төсөл хэрэгжүүлж, Өмнөд болон Зүүн Өмнөд Азийн орнуудад хөрөнгө оруулалтаа нэмэгдүүлж байгаа. Үр дүнд нь эдгээр бүс нутгуудад хятад ажилчдын тоо нэмэгдэж, нутгийн иргэдтэй зөрчилдөх үзэгдэл өсөөд байна.

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ

Элтон Жон “Rocket hour” хөтөлбөрөөрөө “The Hu” хамтлагийг танилцуулжээ

Улаанбаатар /МОНЦАМЭ/. Алдарт дуучин Элтон Жон өөрийн хөтлөн явуулдаг "Rocket hour" хөгжмийн хөтөлбө

2019-10-15

Өмнөд Солонгосын хууль зүйн шинэ сайд албан тушаалаасаа огцорлоо

Өөрөө болон гэр бүл нь авлигын хэд хэдэн хэрэгт холбогдоод байгаа Өмнөд Солонгосын хууль зүйн сайд Ч

2019-10-15

58 жилийн өмнө Солонгос Азид сүүлээсээ 2т ордог ядуу орон байв

1961 онд Өмнөд Солонгос Азид сүүлээсээ 2т ордог ядуу орон байлаа. Тэдэнд баялаг ч байсангүй, мөнгө ч

2019-10-09