fbpx

Дональд Трамп гэргийгээ Ким Жон Уныг сайн мэддэг гэж “худал ярьжээ”

2019-08-27 4265

Франц улсад болж байгаа “Их Долоо”-гийн уулзалтын үеэр АНУ-ын ерөнхийлөгч Дональд Трамп хэвлэлийн хурал дээр Умард Солонгос бол хөгжлийн асар их ирээдүйтэй улс хэмээн магтсан байна.

“Ким Жон Уныг сайн мэддэг хүнийхээ хувьд тэргүүн хатагтай надтай бас санал нийлж байгаа. Тэр бол хөгжлийн асар их ирээдүйтэй улсын удирдагч юм” хэмээн Трамп ярьжээ.

Энэ мэдэгдлийн дараа АНУ-ын тэргүүн хатагтай Меланиа Трамп үнэхээр Умард Солонгосын удирдагчийг сайн таньдаг эсэх талаар хэлэлцүүлэг хэвлэл мэдээллийнхний дунд өрнөсөн байна.

Дональд Трамп Ким Жон Унтай гурван удаа уулзахдаа ганц ч удаа тэргүүн хатагтайг дагуулж яваагүй. Пёньяны удирдагчтай Меланиа Трамп утсаар ярьж байсан тухай баримт огт байхгүй юм.

Тэгвэл Цагаан ордноос энэхүү эргэлзээг арилгах зорилгоор мэдэгдэл хийжээ. Цагаан ордны хэвлэлийн төлөөлөгч Стефани Гришэм “Ерөнхийлөгч Трамп гэргийтэйгээ олон сэдвээр чөлөөтэй санал бодлоо солилцдог. Тэр удирдагч Кимтэй хэр гүнзгий харилцаатайгаа тэргүүн хатагтайд олон удаа дэлгэрэнгүй ярьж байсан. Тиймээс гэргий нь Ким Жон Унтай хэзээний танил мэт санагддаг тул ерөнхийлөгч ингэж ярьжээ” гэсэн байна.

Дональд Трамп хэдийгээр Умард Солонгосын удирдагчтай маш сайн харилцаатайгаа удаа дараа давтан илэрхийлж байгаа ч Солонгосын хойгийг цөмийн зэвсгээс ангижруулах яриа хэлэлцээнд ахиц гарахгүй байгаа юм.

Тэдний хоёр дахь албан ёсны хэлэлцээрээс хойш Пёньян дөрвөн удаа шинэ зэвсэг туршаад байна.

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ

Бямба гарагт Хубэй мужид нас барсан хүний тоо хэвээр хадгалагдаж, шинэ халдварын тоо буурлаа

Covid-19 гэж албан ёсоор нэрлэгдсэн шинэ төрлийн коронавирусийн тархалтын төв Хятадын Хубэй муж сүүл

2020-02-16

Коронавирусийн халдварын тохиолдол нэг өдрийн дотор 2,829-өөр нэмэгдлээ

Ухань хотоос гаралтай шинэ төрлийн коронавирусийн халдварын тохиолдол Ням гарагт 2,829-өөр нэмэгдэж,

2020-02-03

Коронавирусийн голомтын ойролцоо шувууны ханиадны вирус тарж эхэлжээ

Шинэ төрлийн коронавирусийн голомт болоод байгаа Хятадын Хубэй мужтай хил залгаа Хунань мужид H5N1 ш

2020-02-02