Есдүгээр сарын 15-нд Баруун дөрвөн замаас Зүүн дөрвөн зам хүртэлх автомашины хөдөлгөөн хаагдана

2019-09-12 Нийгэм 0

Ирэх амралтын өдрүүд буюу Бямба, Ням гарагт дараалан автомшингүй өдөр байна гэсэн мэдээлэл иргэдийг төөрөгдүүлээд байгаа. Энэ талаар “Зөвхөн Ням гарагт 2019 оны есдүгээр сарын 15-ны өдөр автомашингүй өдөр болохыг” нийслэлийн Агаар, орчны бохирдлын асуудал хариуцсан төслүүдийн удирдагч Д.Мөнхжаргал хэллээ.

Тээврийн цагдаагийн албанаас өгсөн мэдээллээр, Ням гарагийн автомашингүй өдрөөр Баруун дөрвөн замаас Зүүн дөрвөн зам, Хүүхдийн 100, Энхтайваны өргөн чөлөө, МУИС, Залуучуудын гудамжийн замыг 07:00-18:00 цаг хүртэл хаах юм байна. Харин есдүгээр сарын 14-нд нийслэл даяар их цэвэрлэгээтэй аж.

Түүнчлэн Төв талбайд есдүгээр сарын 14,15-нд “Цэвэр агаартай-Авто машингүй өдөр” уриан дор дулаан, цахилгаанд холбогдох техникийн нөхцөл олгох, орон байраа дулаалах, ногоон зээлийн сангаас зээл авах, цахилгаан болон хийн халаагуур, сайжруулсан хатуу түлшний талаарх мэдээллийг иргэд, аж ахуйн нэгжид өгөх юм байна.

Ногоон зээлийн тухайд шаардлага хангасан иргэдэд газар дээр нь зээл олгохоор арилжааны банкуудтай тохиролцжээ.

Мөн агаар, орчны бохирдлыг бууруулах чиглэлээр үйл ажиллагаа явуулдаг цахилгаан халаагуур, сэргээгдэх эрчим хүч, гэрийн дулаалга, хийн түлш, сайжруулсан хатуу түлш үйлдвэрлэдэг болон импортоор оруулж ирдэг ААН-үүд бүтээгдэхүүнээ танилцуулах юм байна.

Холбоотой мэдээ

Д.Сарангэрэл байгаль хамгаалагчдаа машин, мотоциклоор хангах шийдвэр гаргажээ

БОАЖ сайд Д.Сарангэрэл Дэлхийн байгаль хамгаалагчдын өдрөөр " уул, усны эзэд"-ээ машин, мотоциклоор

2020-08-04

Түгжрэл айсуй

Нийслэлчүүд өнгөрсөн нэгдүгээр сараас эхлээд авто замын түгжрэлээс стресс мэдэрсэнгүй. Шинэ төрлийн

2020-08-04

Сансарын ШТС-аас тунель рүү зүүн эргэхийг хориглолоо

Сансарын шатахуун түгээх станцаас Сансарын тунель рүү зүүн эргэхийг хориглолоо. Энэхүү зохицуулалт х

2020-08-04

Санал асуулга

Есдүгээр сарын 1-нд сургууль, цэцэрлэгийн үйл ажиллагааг нээх нь зөв үү?

Үр дүн

Loading ... Loading ...