fbpx

Ирэх 11 дүгээр сард УИХ-ыг тарааж ээлжит бус сонгууль явуулна гэх яриаг Г.Занданшатар баталлаа

2019-09-16 2282

Үндсэн хуульд нэмэлт, өөрчлөлт оруулах төслийн хоёрдугаар хэлэлцүүлгийг дуусгаж, Ард нийтийн санал асуулга явуулах шийдвэрийг УИХ-аас гаргасан. Ард нийтийн санал асуулга ирэх аравдугаар сарын 30, 31-ний өдрүүдэд орон даяар зохион байгуулагдана.

Үүнтэй зэрэгцүүлэн УИХ-ыг тарааж ээлжит бус сонгуулийг явуулж магадгүй гэх таамаг улстөрийн хүрээнд яригдаж байна. Тэгвэл энэхүү таамгийг УИХ-ын дарга Г.Занданштарын яриа баталлаа. Тэрээр өчигдөр сэтгүүлчидтэй хийсэн уулзалтынхаа үеэр “УИХ тарж, ард нийтийн санал асуулгатайгаа хамт сонгууль явуулах бололцоо байгаа” гэдгийг хэлэв.

Тодруулбал тэрээр, “Одоо ард нийтийн санал асуулга явуулна. Удалгүй ард нийтийн санал асуулгад зарцуулах зардалтайгаа адилхан хэмжээний санхүүжилт гаргаж сонгуулиа зохион байгуулна. Ингэж ойр ойрхон зардал гаргаж байхаар УИХ тараад дараагийн сонгуулиа ард нийтийн санал асуулгатайгаа хамтад нь хийвэл зардал хэмнэх юм биш үү” гэсэн сэтгүүлчийн асуултад, “УИХ-ын даргын дэргэдэх зөвлөл болон гишүүдийн түвшинд энэ асуудал яригдаж байгаа.

Энэ бол боломжит хувилбар. Ард нийтийн санал асуулгынхаа ирцийг хүргэх, ардчиллаа аврах, парламентын засаглалаа хамгаалж үлдэх үүднээс ийм санаачилга гаргая гэж ярьж байна. Гэхдээ улс төрийн үр дагаварын хувьд улс орныхоо тогтвортой байдлыг хангах, цаашдаа ийм асуудал байнга хөндөгддөг болох вий гэх мэт эрсдэлүүдийг тооцож байж шийдэх асуудал” хэмээн хариулсан байна.

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ

МАН-ынхан Ц.Цогзолмааг хэнээр солих вэ?

МАН-ын Удирдах зөвлөл өчигдөр хуралдаж, НАМЭХ-ны ерөнхийлөгчид нэр дэвшигчийг тодруулжээ. Хар

2019-10-17

Д.Гантулгад холбогдох хэргийн шүүх хурал өнөөдөр болно

Өнөөдөр Хан-Уул дүүргийн Эрүүгийн хэргийн анхан шатны шүүхэд УИХ-ын гишүүн асан Д.Гантулгад холбогдо

2019-10-17

АТГ Сэлэнгэ аймгийн Засаг даргыг шалгаж эхэлжээ

Авилгатай тэмцэх газар Сэлэнгэ аймгийн Засаг дарга Ш.Оргилыг шалгаж эхэлжээ. Тодруулбал, түүнийг хах

2019-10-16