fbpx

Дэлхийн алдарт Guardian 2020 онд заавал сонсох хамтлагаар The Hu -г нэрлэжээ

2020-01-02 366

“Guardian” сэтгүүл 2020 онд заавал сонсох, дуу хөгжим, хамтлаг дуучдыг нэрлэжээ. Энэхүү жагсаалтын рок,поп, реп хөгжмийн төрөлд алдарт дуучин Мадонна, Диана Росс, Лана Дел Рэй, Тэйлор Свифт, “One Direction” хамтлагийн гишүүн асан Харри Стайл нараас гадна Монголын “The Hu” хамтлаг багтжээ.

“Монголын үндэсний язгуур урлагийг орчин үеийн метал рок урсгалтай хослуулсан Хүннү рок урсгалаар уран бүтээлээ туурвидаг “The Hu” хамтлаг нь 2018 онд анхны уран бүтээл болох “Yu ve Yu ve” дуугаа гаргасан бөгөөд өдгөө 25 сая хүнд хүрчээ. Анхны цомог “The Gereg” нь 2019 онд дэлхийн хэмжээнд хит болж, “Billboard Chart”-г тэргүүлсэн юм. Тус хамтлаг нь хоёрдугаар сарын 8-наас эхлэн дэлхийн улсуудаар аялан тоглолтоо хийх гэж байна” хэмээн “Guardian” онцолсон байна.

Мөн дээрх жагсаалтад Америкийн залуу дуучин Билли Айлиш, реппер Триппи Редд, Английн “The Who” хамтлаг, дуучин Майкл Киванука, Канадын дуучин Граймс нар багтсан бол 2020 онд заавал сонсох сонгодог хөгжмийн төрөлд Английн хөгжмийн зохиолч Кассандра Миллерийн бүтээлүүд, домогт Бетховений сүүлчийн концерт буюу 1808 оны концертын шинэчилсэн хувилбар зэрэг багтжээ.

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ

“Амжилт 2.0” систем: Тохирсон хувилбараа сонгоод хүссэн хугацаагаараа суралц

Технологийн дэвшилд тулгуурласан зайны сургалтын төгс систем “Амжилт 2.0”-ыг танилцуулж байна.

2020-03-26

Үндэсний үсэглэлийн аваргаар М.Түвшинзаяа тодорлоо

Номадиа пикчерс, Боловсрол телевизийн хамтын бүтээл “Үндэсний үсэглэлийн аварга” нэвтрүүлгийн эхний

2020-02-22

17 настай Э.Энхсайхан өвлийн спортын төрөлд шинэ амжилт гаргалаа

Залуучуудын өвлийн олимпийн гуравдугаар наадам Швейцар улсын Лозанн хотноо нэгдүгээр сарын 9-нөөс 22

2020-01-12