fbpx

Аавдаа бичсэн захидал: Төрсөн нь орхиод явчихдаг хорвоод та л ганцаараа үлдсэн шүү, ааваа

2020-02-10 714

АЛДАЖ, ЗОВОХ ЦАГТ МИНЬ ТА Л “МИНИЙ ХҮҮ ЗОВОХ ХЭРЭГГҮЙ ЭЭ, ААВ ЧИНЬ ҮРГЭЛЖ ХАЖУУД ЧИНЬ БАЙГАА ШҮҮ” ГЭЖ ТАЙВШРУУЛДАГСАН ХЭМЭЭН ГАРЧИГЛАСАН НЭГЭН ЗАХИДЛЫГ УНШИГЧ ТАНТАЙ ХУВААЛЦАЖ БАЙНА. 

Сайн байна уу? Ааваа

​Ааваа тандаа энэ захиа очих өдрийн мэнд хүргэж байна. Аав аа энэ захиаг намайг танд бичиж сууна аа гэхэд та минь их гайхаж байгаа байх. Өдий болтол өсгөж, хүмүүжүүлж өгсөн байхад чинь нэг ч удаа ааваа гэж хэлж үзээгүйг минь уучлаарай. Ааваа гэж дуудаж үзээгүй ч би чинь одоо болтол сэтгэл зүрхэндээ таныгаа ааваа гэж хэлж байсан юм аа. Дөнгөж ухаан сууж байсан жаахан хүү ээж, аав хоёртойгоо тэр нэг өдрөөс хойш хамт амьдарч эхэлсэн. Та намайг тэр л өдрөөс хойш өөрийн төрсөн хүү шиг өсгөн хүмүүжүүлж, халуунд нь халж, хүйтэнд хөрж зүтгэсээр өдий хүргэсэн. Гэтэл би одоо хүртэл таныг ааваа гэж ганц ч удаа болов дуудаж үзээгүйг минь уучлаарай.

Энэ удаа бичгээр захидлаар дамжуулан хэлж байгааг минь бас уучлаарай. Өнөөдрөөс эхлэн таныгаа би ааваа гэж үргэлж дуудаж байна аа. Тэртээд өнгөрсөн тэр нэг өдөр ааваа гэж яагаад хэлээгүй юм бол гэж дандаа боддог. Дэндүү жаахан болоод ч тэр юм уу хөндлөнгийн хүний үгэнд ороод ааваа гэж хэлж чадалгүй таныгаа олон жил гомдоож явсан тэнэг хүү чинь өнөөдрөөс эхлэн таныхаа ачлалт, сайн хүү болохыг хичээнэ ээ.

Анх сургуульд ороход минь та дэвтэр ном, цүнх, форм гээд бүх л зүйлийг өөрийн гараар бэлдэн өгч хүний хүүхдээс дутахааргүй явуулсан. Тэрний л ачаар би уншиж бичиж сурсан. Миний төрсөн аав ээж, ах, бид гурвыг нэг л өдөр орхиод явсан гэж би сонссон. Гэтэл та минь хүний хүүхэд гэж бодолгүй ах, бид хоёрыг аавын хайраар дутаалгүй сэтгэл, хайраар дүүрэн өсгөсөн. Зовоож байна даа би таныгаа. Алдаж, зовох цагт минь та л “Миний хүү зовох хэрэггүй аав чинь үргэлж хажууд чинь байгаа шүү” гэж тайвшруулж дэм болж байсан. Та намайг “ааваа” гэж хэлэх байх гэж олон жил хүлээсэн байх даа. Уучлаарай тэнэг хүүгээ. Би өдөр бүр таныгаа эрүүл энх байж, урт удаан насалж, хажууд минь байгаасай гэж залбирдаг. “Хүн халанд биш хайранд хүн болдог” гэж яруу найрагч Б.Лхагвасүрэн гуай бичсэн байдаг. Нээрээ л аавынхаа хайранд би өдий зэрэгтэй хүн болсон. Баярлалаа ааваа.

Ухаан муутай урагшгүй муу хүү чинь удахгүй тантайгаа уулзахын ерөөлийг өргөн дэвшүүлж, энэхүү захидлаа дуусгая даа. Хайртай шүү ааваа.  Сэтгэл дотроо би таныг энэ хорвоогийн хамгийн сайн аав хэмээн бат оршоож, зүрх минь аав таныгаа гэсэн хайраар дүүрч байна. Энэ хайрыг, таны надад зориулсан их сэтгэлийг “Аав аа” гэж дуудах ганцхан үгээр илэрхийлж, таны баярлахыг харахыг тэсэн ядан хүлээж сууна.

Захидал бичсэн:

Архангай аймаг дахь ШШГГ-н аж ахуйд хүмүүжигч Э.Мөнх-Очир

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ

Mаскийг юугаар ч орлуулж болдгыг харуулсан хөгжилтэй зургууд

Дэлхийн иргэдийн дунд одоогийн байдлаар маск, бээлий, гар ариутгагч зэрэг хамгаалалтын өдөр тутмын б

2020-04-08

Эхнэр нөхөр хоёрын туулдаг хамтын амьдралын 7 үе шат

Амьдралын туршид үргэлжилдэг нэгэн шалгуур байдаг нь өөрийн насны ханийг олж, түүнтэйгээ хэзээ ч нур

2020-04-06

Олон улсын “The Voice” шоуны шилдэгт Т.Бат-Од, А.Чинсанаа нарын тоглолт оржээ

Дэлхийн алдарт “The Voice” шоу өнгөрсөн долоо хоногт болсон хоёр дахь удаагийн "Battle" шатны тоглол

2020-04-06