Найман хэлээр “ярьдаг” ухаалаг маск бүтээжээ

2020-08-05 Дэлхийд 0

“Ковид-19” цар тахлын улмаас өдөр бүр маск зүүх зайлшгүй шаардлага үүсээд байна. Үүнийг Японы “Donut Robotics” старт апын компани маш том боломж болгожээ. Тэд хөл хорионы үед ашиглахад хялбар, нүүрний стандартад тохирсон өндөр технологи бүхий ухаалаг маск бүтээжээ.

Ухаалаг утастайгаа “Bluetooth”-ээр холбоход “C-Face” ухаалаг маск таны яриаг хуулж, хурдыг нэмэгдүүлж, найман хэл рүү орчуулах чадамжтай юм. “Маскны урд талын шүүлтүүр нь амьсгалахад чухал үүрэгтэй тул коронавирусаас хамгаалахгүй. Гэхдээ вирусаас хамгаалах маскны стандартаар бүтээгдсэн” гэж “Donut Robotics”-ийн гүйцэтгэх захирал Тайсуке Оно тайлбарлажээ.

Маскыг цагаан өнгийн хуванцар силиконоор хийж, микрофон суулгажээ. Энэ систем нь Япон, Хятад, Солонгос, Вьетнам, Индонез, Англи, Испани, Франц хэл рүү таны яриаг орчуулна. Тус компани анхны орчуулагч “Cinnamon” робот бүтээсэн боловч тахлын улмаас төсөл нь зогссон юм. Тиймээс багийн инженерүүд энэ программаа нүүрний масканд суурилуулахаар болжээ.

“Cinnamon” робот нь жуулчдыг нисэх буудал дээрх хэрэгцээт мэдээллээр нь хангахад туслах зорилготой байсан юм. “Бид мөнгөний хомсдолд орж, компаниа хэрхэн үргэлжлүүлэн ажиллуулах вэ гэж бодсон. Ингээд цар тахлын үед сайн зарагдах бүтээгдэхүүн үйлдвэрлэх санаа олсон. Энэ маскаа үйлд­вэрлэснээр 37 минутад 28 сая иенийн ашиг олоод гайхшир­сан. Үүнийг бид 3-4 сар ажиллаж байж олдог” гэж Оно ярьжээ. Арван­хоёрдугаар сар гэхэд Японд 5000-10 мянган маск борлуулна. Үнэ нь 40-50 ам.доллар байх юм байна.

Эх сурвалж: “Зууны мэдээ” сонин

Холбоотой мэдээ

Москвад 3000 гаруй хүн коронавирусний вакцин хийлгэжээ

ОХУ-ын нийслэл Москва хотын 3000 гаруй оршин суугч коронавирусний вакцин хийлгэжээ. “Коронави

2020-09-28

ДЭМБ: Коронавирусний халдвараар нас барсан хүний тоо хоёр саяд хүрэх магадлал өндөр байна

Дэлхий даяар коронавирусний халдвараар нас барсан хүний тоо 1 саяд дөхөж байгаа боловч энэ тоо 2 сая

2020-09-28

“Johnson & Johnson” компанийн вакцины гуравдугаар үе шатны туршилт эхэллээ

АНУ-ын “Johnson & Johnson” компани коронавирусний вакцины гуравдугаар үе шатны туршилтаа лхагва

2020-09-24

Санал асуулга

Есдүгээр сарын 15-наас хөл хорио цуцлах нь зөв үү, буруу юу?

Үр дүн

Loading ... Loading ...