Пентагоны тэргүүний мэдэгдлийн дараа Хойд Солонгос Гуам руу пуужин харвахаа хойшлууллаа

2017-08-15 Нийгэм 0

Өчигдөр Пентагоны тэргүүн Жим Мэттис Вашингтон Пост сонинд ярихдаа АНУ-ын зэвсэгт хүчин ямар ч пуужингийн довтолгоог няцаахад бэлэн болоод байгааг мэдэгдээд, хэрвээ Гуам руу пуужин харвавал “дайн эхэлнэ” гэж хэлсэн юм.

Тэрээр хэрвээ Гуамыг чиглэсэн пуужин хөөрөх л юм бол устгах арга хэмжээ авах ба харин өмнөх шиг далайн ус руу харвах бол хэрхэхийг ерөнхийлөгчийн тушаалаар шийднэ гэжээ.

Тэгвэл өнөөдөр Хойд Солонгосын удирдагч Ким Жон Ун өөрийн армийг пуужин харвахад байнга бэлэн байхыг тушааж, харин Гуам руу хийх довтолгоогоо хойшлуулсан тухай тус улсын төрийн мэдээллийн агентлаг дамжуулжээ.

Ким Жон Ун шийдвэр гаргахаа түр азнаж, энэ хооронд АНУ-ын үйл ажиллагааг ажиглахаар болсон тухай мэдээлэлд өгүүлсэн байна.

“Бидний ойролцоо олон тооны стратегийн зэвсэг эхэлж байрлуулсан АНУ-ын тал Солонгосын хойгт мөргөлдөөн гарахаас сэргийлэх алхмыг түрүүлж хийх ёстой” гэж Ким хэлсэн тухай уг мэдээнд дурджээ. Өөрөөр хэлбэл Хойд Солонгос Америкийн талыг түрүүлж санаачилга гаргахыг хүлээхээр болсон байна.

Ийнхүү Гуамыг тойрсон мөргөлдөөний тухай яриа намжиж эхэлж байна. Өнгөрсөн Ням гарагт Трампын үндэсний аюулгүй байдлын зөвлөх Х.Р.Макмастер ABC сувагт ярихдаа “Долоо хоногийн өмнөхтэй харьцуулбал бид дайн хийхэд ойрхон биш, харин арван жилийн өмнөхтэй харьцуулбал дайнд ойрхон байна” гэж хэлснээс энэ нь харагдаж байна.

Эх сурвалж: Radio Free Europe /Radio Liberty

Холбоотой мэдээ

Өнгөрсөн хоногт 815 шинэ тохиолдол бүртгэгдэж долоон хүн нас барлаа

Коронавируст халдварыг илрүүлэхээр сүүлийн хоногт улсын хэмжээнд хийсэн шинжилгээний хариуг танилцуу

2021-05-08

Тавдугаар сарын 9-нд монгол цэргүүд Улаан-Үдэд парад алхана

Аугаа их Эх орны дайны ялалтын 76 жилийн ой тохиох гэж байна. Түүхт ойг тохиолдуулан Монгол

2021-05-08

Гадаадад амьдардаг иргэд Ерөнхийлөгчийн сонгуульд оролцох эсэхээ шийдэхэд хоёр хоногийн хугацаа үлдлээ

Монгол Улсын Ерөнхийлөгчийн 2021 оны ээлжит сонгуулийн санал авах өдөр зургаадугаар сарын 9-нд товло

2021-05-07

Санал асуулга

Хатуу хөл хорио тогтоох хэрэгтэй юу?

Үр дүн

Loading ... Loading ...
Одоо суръя - Онлайн сургалт Цонжин Кибер Боардинг Сургууль