Чингис хааны хөшөөг нураах ёстой гэжээ

2017-08-19 Нийгэм 0

Нэгэн үе Цагаан ордонд орж, ерөнхийлөгч Дональд Трампын дэргэд ахлах стратегичаар томилогдож байсан Стив Бэннон өчигдөр Цагаан ордноос бүр мөсөн явж байгаагаа зарлажээ.

Хэт барууны үзэлтэй гэгддэг тэрээр өөрийн өмнө нь алба хашиж байсан Breitbart News сайтын гүйцэтгэх захирлаар ажиллахаар болсон байна.

Breitbart News бол Америкийн үндсэрхэг үзэл, цагаан арьстныг шүтэх үзлийн гол суваг гэгддэг.

Цагаан ордноос явахдаа Бэннон Дональд Трампыг хамгаалахын төлөө тэмцэнэ гэдгээ илэрхийлсэн байна. “Би Цагаан ордныг орхиж, Капитолын ордон, хэвлэл мэдээлэл, корпорациудын дотор байгаа Трампын дайснуудтай дайн хийх болно” гэж тэрээр мэдэгджээ.

Өнгөрсөн Бямба гарагт Шэрлотсвилл хотод гарсан неонацистууд, тэднийг эсэргүүцэгчдийн мөргөлдөөний дараа Америк даяар арьс өнгөний үзлийн асуудал ид яригдаж байгаа. Үүнтэй холбоотойгоор Америкийн боолчлолын үеийн түүхэн хүмүүсийн хөшөөг буулгах тухай яригдаж эхэлсэн юм.

Гэтэл Стив Бэнноны удирддаг Breitbart News сайт өчигдөр хэрвээ Америкийн эдгээр түүхэн хүмүүсийг боолчлогчид гэж үзэж байгаа бол эхлээд дэлхий дээр байгаа тэднээс ч илүү гарах алуурчид, боолчлогчдын хөшөөг нураах хэрэгтэй гэж мэдээлжээ. Тус сайт зургаан хөшөө, байгууламжийг жагсааж, тэднийг хамгийн түрүүнд буулгах хэрэгтэй хэмээн барьцсан нийтлэл гаргасан юм.

Сонирхолтой нь тэдний дотор Монгол улсын нутагт оршдог Чингис хааны морьт хөшөө багтжээ.

Breitbart News уг хөшөөний тухай бичихдээ “13-14 дүгээр зууны үеийн Түрэг-Монголын түрэмгийллийн үеэр тухайн үеийн дэлхийн хүн амын 5 хувь алагдсан гэж түүхчид тооцоолдог. Монголчуудын түрэмгийлэлд нэрвэгдсэн улс орнууд дахин хэзээ ч сэргээгүй юм. Тэгвэл зүүнийхэн яагаад Монголчуудаас нөхөн төлбөр нэхэхгүй байгаа вэ?” хэмээн бичсэн байна.

Бусад нураах ёстой хөшөө дурсгалуудад АНУ дахь Жефферсоны дурсгал, Турк дэх Оттоманы үеийн Хөх сүм, Төв Америк дахь Майя нарын пирамид, Хятадын цагаан хэрэм, Египетийн Гизагийн пирамид багтжээ.

Тэдгээрийг олон сая хүний амь нас, боолын хөдөлмөр шингэсэн байгууламжууд гэж үзсэн байна.

Эх сурвалж: Time.com, Breitbart

Холбоотой мэдээ

О.Дашпагма: Спутник V вакцины II дахь тунг энэ сард багтан нийлүүлэх урьдчилсан мэдээ авсан

"АСА Станц" нэвтрүүлгийн энэ удаагийн дугаарт ХӨСҮТ-ийн Дархлаажуулалтын албаны дарга О.Дашпагма оро

2021-06-22

Т.Бэгзсүрэн: Эрдэмтдийн зөвлөлөөс долдугаар сарын 1-нээс хөл хорио тогтоох саналаа хүргүүлсэн

УОК-ын Эрдэмтдийн зөвлөлийн гишүүн, доктор Т.Бэгзсүрэн "АСА станц" шууд нэвтрүүлэгт оролцож, Эрдэмтд

2021-06-22

Өнөөдөр дархлаажуулалтын суурин 20, явуулын найман цэг ажиллана

Улаанбаатар хотод өнөөдөр буюу зургаадугаар сарын 22-нд явуулын найм, суурин 20 цэгт иргэдийг ко

2021-06-22

Санал асуулга

Та вакцин хийлгэсэн үү? Үгүй бол яагаад?

Үр дүн

Loading ... Loading ...
Одоо суръя - Онлайн сургалт Цонжин Кибер Боардинг Сургууль