Арга ядсан залуус нь АН-аасаа, ардчиллаасаа зугтаж байна

2020-09-17 Улс төр 0

Цагтаа цалгиж, энэ улсыг хөгжилд тодорхойлох улс төрийн хоёр тулгуур багана нэг гэгдэж байсан АН өнөөдөр тартагтаа тултлаа ядарч явна. Арга ядахдаа л МАХН-ын дарга Н.Энхбаярын баруун суганд очиж хавчуулагдаж байх билээ дээ. НИТХ-ын сонгуульд оролцох АН-ын бодлогыг намын дэмжигчид нь ч шоолж дуусаагүй байтал АН-ын гишүүд нь төрөлх намаа голж эхлэв.

Бүр тодруулбал, хоёр хоногийн өмнөөс эхлээд АН-ын угшилтай, ардчилсан үзэл санааны төлөө улс төрийн амьдралаа зориулж яваа эрхмүүд болон үйл хэргийн үргэлжлүүлж байгаа хүмүүс АН-аасаа урвачихлаа. Урвачихлаа ч гэж дээ, зугтчихлаа гэвэл илүү тохиромжтой байх.

Дарханы АН-ыг удирдаж, удирдалцаж явсан ардчилсан үзэл сурталыг төдийгөөс өдий хүртэл хамгаалж, ах намын залуусын төдийгөөс өдий хүртэл жадлан эсэргүүцэж явсан Л.Наранбаатар эдийн засагч АН-аа биш МАН-ын хаяаг түшчихлээ. Араас нь төд удалгүй ардчиллын салхи сэвэлзсэн тэр цагаас хойш цаг бусаар амиа алдах хүртлээ үзэл санааныхаа чандад үнэнч зогсож ирсэн Г.Батхүү агсны охин Б.Цэлмэг мөн адил МАН-ыг хаяг түшиж, бүр залуучуудын байгууллагад нь даргаар элсчихлээ.

Уг нь эдгээр залуус өнөөдрийн уналтад орчихоод буй АН-ыг дахин сэргээж гуравдагч хүчин шиг болчихсон нэр хүндийг нь аврах ёстой бус уу. Магадгүй зарим нь эдгээрийг урвалт, эрх мэдэл дагалаа л гэж тайлбарлах байх. Харин миний хувьд АН гэх бөөн хүний нэгдэл эрх мэдэл, ашиг хонжооны хойноос хөөцөлдөөд, хуучин ах нар нь үхэн үхтлээ намаа бас ардчиллаа өмчлөх гээд байгаа учраас эдгээр залуус АН гэдэг үнэт зүйлээс татгалзаж байгаа байх.

Мэдээж чөлөөт зах зээл, ардчиллын үнэт зүйл гэж дуугарч ирсэн Л.Наранбаатар, талийгаач аав болон ах, эгч нь хүртэл АН-ын нэрээс сонгуульд босч өрсөлдөж явсан Б.Цэлмэг гээд ардчиллаа, Ардчилсан намаа хэнээс илүү хайрлах ёстой хүмүүс нь хүртэл одоогийн дампуурсан АН-аас, үхдэл болчихсон мэт байгаа үзэл санаанаас нь дөлж байна шүү дээ.

Өнөөдөр энэ хоёр хүн, маргааш үлдсэн олон арван залуус, нөгөөдөр мянга мянган дэмжигчид нь ардчилал гэх үгийг үг төдийхнөөр үлдээсэн ах нараасаа, намаасаа татгалзах вий дээ. Ядаж орон нутгийн сонгуульд хүртэл Б.Пүрэвдаваа гэж түр орлон гүйцэтгэгч нь хүртэл бодлого биш бодлоо яриад, аврах биш хорлоод байх юм.

Угаас Н.Энхбаярт дагаар орж, Л.Болд, Ж.Батзандан нараар зүг чигээ тодорхойлуулчихаад 45-хан хүнийг АН-аасаа нэр дэвшүүлчихэж чадахгүй байгаа ардчилагчдаас намын нөхдүүд нь ээлж дараагаараа татгалзах нь ойлгомжтой шүү дээ.

Холбоотой мэдээ

Үе үеийн Их Хурлын дарга нар “Их Хуралдай” клуб байгууллаа

Үе үеийн Их Хурлын дарга нарын “Их Хуралдай” клуб байгууллаа. Энэ жил Байнгын ажиллагаатай Парламент

2020-09-25

УИХ-ын гишүүн Э.Бат-Амгалан: Ард иргэдийн өмнө тулгамдсан асуудлыг нэг удаагийн гал унтраах байдлаар шийдэж болохгүй

Нийслэлийн Баянзүрх дүүргээс сонгогдсон Улсын Их Хурлын гишүүн Э.Бат-Амгалан тойргийнхоо иргэдийн ту

2020-09-25

МАН залуу боловсон хүчнээр цус сэлбэж эхэллээ

МАН-ын Удирдах зөвлөл өчигдөр хуралдаж, намын улс төрийн бодлогын газрын даргаар М.Ганхүлэгийг, Гада

2020-09-23

Санал асуулга

Есдүгээр сарын 15-наас хөл хорио цуцлах нь зөв үү, буруу юу?

Үр дүн

Loading ... Loading ...