Америкчууд буцаад амны хаалт зүүж эхэллээ

2021-07-28 Дэд онцлох 0

Хүн амынхаа ихэнх хэсгийг дархлаажуулсан АНУ-ын засаг захиргаа өнгөрсөн тавдугаар сараас эхлэн вакцины бүрэн тунд хамрагдсан иргэдэд амны хаалтгүй явахыг зөвшөөрч байв.

Тэгвэл өчигдөр энэхүү шийдвэрээсээ буцаж, вакцинжуулалтад хамрагдсан эсэхээсээ үл хамааран иргэд олон нийтийн газруудад зорчихдоо амны хаалт заавал зүүхээр болжээ.

Тухайлбал Америкийн бүх сургуулиудад нэвтэрсэн гадны хүмүүс, багш, сурагчид, ажилтнууд вакцин тариулснаасаа үл хамааран амны хаалт заавал зүүх ёстой болсон байна.

Өчигдөр бас АНУ-ын ерөнхийлөгч Жо Байден холбооны засгийн газрын бүх ажилтан, албан хаагчдад заавал вакцинжуулалтад хамрагдах шаардлага тавих талаар судалж байгааг мэдээлжээ.

“Энэ вирусийг, дельта хувилбарыг таних тусам бидэнд санаа зовох зүйлс улам бүр нэмэгдэж байна. Ганцхан зүйл тодорхой. Хэрвээ дахиад 100 сая хүн вакцинжуулалтад хамрагдсан бол бид тэс өөр ертөнцөд амьдарч байх байлаа” гэж Байден мэдэгдсэн юм.

Одоо АНУ даяар өдөрт дунджаар 57,000 халдварын тохиолдол бүртгэгдэж, 24,000 хүн эмнэлэгт хэвтэж байна.

Халдварын тохиолдлуудын ихэнх нь вакцинжуулалтад хамрагдаагүй хүмүүс байгаа юм.

Харин вакцинжуулалтад хамрагдсан хүмүүс халдвар авбал хөнгөн хэлбэрээр өвчилж байгаа ч бусдад халдвар тараагч болж буйг албаныхан мэдээлжээ.

Эх сурвалж: Associated Press

Холбоотой мэдээ

Япон улсын хэт халуун цаг агаар тэмцээнд саад учруулж байна

Зуны олимпын наадам зохион байгуулагдаж байгаа Токио хотод маш их халуун, чийглэг өдрүүд үргэлжи

2021-07-29

БНСУ Коронавирусын дельта хувилбартай эрчимтэй тэмцэж байна

Манай улсад хоёр дахь удаагаа хүрэлцэн ирсэн Кунгмин Ли профессор тэргүүтэй БНСУ-ын “К2LBIO” ком

2021-07-29

Сайед Моллай: Би бүхнийг ардаа орхиод шинэ амьдрал эхлүүлж байна

Хоёр жилийн өмнө төрөлх Иран улсаасаа дүрвэж, Монгол улсын иргэн болсон Сайед Моллай жүдогийн 81

2021-07-29

Санал асуулга

Есдүгээр сарын 15-наас хөл хорио цуцлах нь зөв үү, буруу юу?

Үр дүн

Loading ... Loading ...