Х.Баттулга, В.Путин нар жүдогийн ДАШТ-ний үеэр Унгарт уулзжээ

2017-08-29 Нийгэм 0

Монгол Улсын Ерөнхийлөгч Халтмаагийн Баттулга Унгарын нийслэл Будапешт хотноо Жүдо бөхийн Дэлхийн аварга шалгаруулах тэмцээний үеэр ОХУ-ын Ерөнхийлөгч Владимир Путинтэй танилцаж, ярилцсан талаар ОХУ-ын мэдээллийн сайтууд нийтэлжээ.
Ерөнхийлөгч Х.Баттулга, В.Путин нар ОХУ-ын Владивосток хотноо есдүгээр сарын 6-7-ны өдрүүдэд Дорнын эдийн засгийн гуравдугаар чуулганд уулзах юм.
“Бид Владивостокт уулзахдаа илүү чухал асуудлаар дэлгэрэнгүй ярилцах болно” хэмээн Владимир Путин хэлжээ.
Оросын Ерөнхийлөгч Монгол Улсын Ерөнхийлөгч Халтмаагийн Баттулгатай танилцахад таатай буйгаа илэрхийлээд, түүнийг улс төрийн зүтгэлтний хувьд ч, тамирчны талаас нь ч маш сайн мэддэг тухайгаа хэлсэн байна.
Ерөнхийлөгч Х.Баттулга “Жүдогийн ДАШТ-ний энэ сайхан үйл явдлаар тантай уулзаж байгаадаа баяртай байна. Жүдо бөхөд дуртай, сонирхдог бидний хувьд энэ нь цаашдын хамтын ажиллагаанд сайнаар нөлөөлнө гэдэгт итгэж байна” гээд “хөрөнгө оруулалтын асуудал юун түрүүнд бидний сонирхлыг татаж байна. Мөн төмөр замын асуудлыг чухалчилж байна” хэмээжээ.
Долоодугаар сарын 7-ны өдөр Ерөнхийлөгчөөр сонгогдсон 54 настай Ерөнхийлөгч Х.Баттулга самбо бөхийн дэлхийн аварга болж байсан билээ.
2016 онд хоёр улсын худалдааны эргэлт 20 хувиар унасан ч энэ оны эхний хагаст 34 хувиар өссөн нь сайн хандлага гэдгийг Владимир Путин онцолсон байна.
Орос-Монголын аж ахуйн нэгжүүд идэвхтэй ажиллаж, ачаа тээврийн хэмжээ нэмэгдэж байгааг Путин тэмдэглэжээ. Мөн Москва, Улаанбаатарын улс төрийн талбар, эдийн засаг, соёлын харилцаа хөгжин цэцэглэж байгааг онцолжээ.
Владимир Путин Будапешт хотноо нэг хоногийн хугацаатай ирсэн байна.

Эх сурвалж: vesti.ru

Холбоотой мэдээ

Шинийн нэгний өглөө мөрөө гаргахын учир

МҮ-ний ШУА-ийн академич, МУ-ын шинжлэх ухааны гавьяат зүтгэлтэн Л.Тэрбиш: Цагаан сарын шинийн

2022-02-01

Нэвтрүүлэгч Ш.Бямбацогт агсны гэр бүлд гурван өрөө байр бэлэглэхээр болжээ

Монгол Улсын Соёлын гавьяат зүтгэлтэн, нэвтрүүлэгч Ш.Бямбацогт агсны ар гэрийнхэнд хотын захиргаанаа

2022-02-01

Хөгжлийн Банкнаас зээл авсан бүх ЗЭЭЛДЭГЧ

Монгол Улсын Хөгжлийн Банкны 25 найдваргүй зээлдэгчийн мэдээллийг өмнө танилцуулсан. Өнөөдөр тус бан

2022-02-01

Санал асуулга

Коронавирусийн Омикрон хувилбарын халдвар орж ирэх эрсдэл өндөр байгаа энэ үед монголчууд Цагаан сарын баяраа тэмдэглэх нь зөв үү? Таны санал...

Үр дүн

Loading ... Loading ...