“Төрөөс хүмүүнлэгийн  талаар баримтлах бодлого, чиглэл” сэдэвт хэлэлцүүлэг  зохион  байгуулагдлаа

2017-09-04 Нийгэм 0

Өнөөдөр  төрийн  орны иргэний танхимд Ерөнхийлөгчийн  тамгын газар,  Монголын  хүмүүнлэгийн үндэсний  хороо хамтарсан “Төрөөс хүмүүнлэгийн  талаар баримтлах бодлого, чиглэл” сэдэвт хэлэлцүүлэг  зохион  байгуулагдлаа.

Хэлэлцүүлэгт  Ерөнхийлөгчийн  хүмүүнлэгийн  бодлогын  орон  тооны бус  зөвлөх С.Пүрэвсүрэн хүмүүнлэгийн талаар төрөөс баримтлах бодлого цаашдын  зорилтын талаар илтгэл тавьж Монгол  улсын “Монголын  хүмүүнлэгийн үндэсний хороо”-ны үйл  ажиллагаа болон  туршлагын талаар танилцууллаа.

Монгол улс үндсэн хуульдаа “Хүмүүнлэг  иргэний ардчилсан  нийгмийг цогцлоох” эрхэм зорилго  тавьсан хэдий ч өнөө болтол хүмүүнлэгийн талаар төрөөс баримтлах бодлого, дэмжлэг туслалцаа үгүйлэгдсээр байна. Түүнчлэн хүмүүнлэгийн үйл ажиллагааг  нийгмийн  халамжтай хольж,  хутгаж ойлгодог талаар хэлэлцүүлэгт оролцогчид шүүмжилж байв.

Тиймээс  хүмүүнлэгийн  чиглэлээр төрөөс баримтлах нэгдсэн бодлого, чиглэлийг  боловсруулан бүх нийтийн  үйлс болгон хэрэгжүүлэх шаардлагатай байгааг онцолж байлаа.

Мөн үндэсний хэмжээний хүмүүнлэгийн сан байгуулан хандив тусламжийг нэгтгэн төвлөрүүлж хуваарилалт, хүргэлт, түгээлтийг зохицуулалтаар хангах, Хүмүүнлэгийн үйлс нийгмийн  найрсаг  харилцааг хангахад хэвлэл  мэдээллийн  оролцоог идэвхжүүлэх, хүүхэд  залуучуудын  дунд хүмүүнлэгийн  үйл  ажиллагаа, хүмүүжлийн ажлын  чанар үр дүнг сайжруулах  шаардлага тулгарч байгааг чухалчиллаа.

Хэлэлцүүлэгт төр, захиргааны  байгууллагууд, элчин  сайдын  яамдууд, олон улсын болон иргэний нийгмийн байгууллагууд, иргэдийн  төлөөлөл оролцсон байна. Үүнээс БНХАУ, БНСУ-ын  элчин  сайдын яам,  Норвегийн олон  улсын  хөгжлийн  төв, оюутан залуучуудын төлөөллүүд өөрийн орны хүмүүнлэгийн бодлого, үйл  ажиллагааны  туршлагаас хуваалцлаа.

Холбоотой мэдээ

Даваа гарагаас ТҮЦ, гар утас худалдаа болон барааны дэлгүүрүүд, цанын баазуудын үйл ажиллагааг нээх тухай хэлэлцжээ

Улсын онцгой комисс болон Нийслэлийн онцгой комиссын хамтарсан хуралдаан өнөөдөр болсон талаар мэдээ

2021-01-16

Газар хөдлөлтийн дараах Хөвсгөл нуурын дүр төрх /зураг/

Хөвсгөл нуурын орчимд газар хөдөлсөнтэй холбогдуулан тус аймгийн Хамгаалалтын захиргаанаас иргэдэд м

2021-01-16

“Хүүхэд нь үймүүлээд байна гэх дуудлага ирэхэд бусдын амгалан тайван байдлыг хангахыг зөвлөдөг, торгодоггүй”

Нийтийн зориулалттай орон сууцны оршин суугчдын амгалан тайван байдлыг алдагдуулсан иргэн, хуулийн э

2021-01-16

Санал асуулга

Хөл хориог цаашид яасан нь дээр вэ?

Үр дүн

Loading ... Loading ...