Норвегид нум сумаар зэвсэглэсэн этгээд таван хүний амийг хөнөөжээ

2021-10-14 Дэлхийд 1

Лхагва гарагт Норвегийн зүүн өмнөд хэсэгт нум сумаар зэвсэглэсэн этгээд таван хүний амийг хөнөөж, хоёр хүнийг шархдуулсан тухай тус улсын цагдаагийн алба мэдээлжээ.

Гэмт этгээдийг баривчилсан бөгөөд ямар зорилготой аллага үйлдсэнийг нь тогтоогоогүй байгааг бас мэдээлсэн байна. Норвегийн цагдаагийн газар уг хэрэг террорист халдлага байхыг үгүйсгээгүй юм.

Халдлага Конгсберг хотын хэд хэдэн газарт 30 орчим минутын дотор дараалан гарсан байна.

Норвегийн тагнуулын төв байгууллага хэргийг анхааралдаа авч, алуурчин олон улсын террорист сүлжээтэй холбоотой эсэхийг шалгаж эхэлжээ.

Тус улсын цагдаа нар өмнө нь галт зэвсэг хэрэглэдэггүй байсан ч Үндэсний Цагдаагийн Газарт гарсан халдлагын дараа бүх цагдаа нарыг зэвсэглэх болсон юм.

Норвеги нь дэлхийн хамгийн тайван амгалан улсуудын нэгт тооцогддог. Гэхдээ 2011 онд хэт үндсэрхэг үзэлтэн Андерс Брейвик зэвсэгт халдлага үйлдэхдээ 77 хүний амийг хөнөөсөн нь тус улсын түүхэнд хар мөрөө үлдээсэн юм.

Тэрбээр эхлээд нийслэл Осло хот дахь ерөнхий сайдын өргөөний ойролцоо бөмбөг дэлбэлж, дараа нь Утояа арал дээрх зүүнтний залуусын зусланд галт зэвсэгтэй халдлага үйлдэж байжээ.

2019 онд өөрийгөө нео нацист гэж тодорхойлсон Филип Мансхаус нийслэл Осло хотын гадна орших Исламын сүм рүү гал нээсэн ч хүний амь хөнөөж чадаагүй юм.

Гэхдээ тэр үүнээс өмнө Хятадаас үрчилж авсан өсвөр насны охин дүүгээ арьс өнгөний үзлийн улмаас буудан хөнөөсөн байжээ.

Эдгээрээс гадна сүүлийн жилүүдэд жихадистуудын хэд хэдэн террорист халдлагын хуйвалдааныг Норвегийн цагдаа нар таслан зогсоож байв.

Эх сурвалж: AFP

Холбоотой мэдээ

Бээжин хотод анхны жолоочгүй такси үйлчилж эхэлжээ

Энэ долоо хоногийн Пүрэв гарагт Хятадын засгийн газар жолоочгүй такси үйлчилгээнд явуулах зөвшөөрлий

2021-11-27

Коронавирусийн шинэ хувилбарыг ДЭМБ аюултай ангилалд оруулж, “Омикрон” хэмээн нэрлэжээ

Өмнөд Африкийн Бүгд Найрамдах Улсад илэрсэн коронавирусийн шинэ хувилбарыг Дэлхийн Эрүүл Мэндийн Бай

2021-11-27

Коронавирусийн олон мутацтай, шинэ хувилбар илэрчээ

Өмнөд Африкийн Бүгд Найрамдах Улсын мэргэжилтнүүд коронавирусийн олон мутацтай, шинэ хувилбарыг илрү

2021-11-26

Санал асуулга

Та вакцины гуравдугаар тунг хийлгэх үү?

Үр дүн

Loading ... Loading ...