Ц.МӨНХ-ОРГИЛ ДАМЧО ДОРЖИ нар албан ёсны хэлэлцээ хийв

2017-09-07 Нийгэм 0

Гадаад харилцааны сайд Ц.Мөнх-Оргил, Бутаны Вант Улсын Гадаад хэргийн сайд Дамчо Доржи нар өчигдөр /09.06/ Гадаад харилцааны яаманд албан ёсны хэлэлцээ хийв.

Хэлэлцээний эхэнд хоёр улсын Гадаад харилцааны сайд нар Монгол, Бутан хоёр улс түүх, соёлын өв, шашин шүтлэгийн хувьд ижил төстэй бөгөөд Ази, Номхон далайн бүс нутгийн хөгжиж буй, далайд гарцгүй орнуудын хувьд хоёр талын болон олон улс, бүс нутгийн түвшинд хамтын ажиллагаагаа гүнзгийрүүлэх эрмэлзэлтэй байгаагаа нотоллоо.

Сайд Ц.Мөнх-Оргил манай хоёр улс 2012 онд дипломат харилцаа тогтоосноос хойш Бутан Улсын Гадаад хэргийн сайд анх удаа Монгол Улсад айлчилж байна. Үндэсний өв соёлоо нандигнан хадгалж ирсэн бутанчуудаас суралцах зүйл их бий. 2016 онд Монгол Улсын Гадаад харилцааны сайдын хувиар Бутан Улсад айлчлах үеэр харилцаа, хамтын ажиллагааг хөдөө аж ахуй, аялал жуулчлал, эрүүл мэнд гээд олон салбарт хөгжүүлэх талаар ярилцсанаа онцлов.

Бутан Улсын Гадаад хэргийн сайд Дамчо Доржи “Монголын сайхан оронд анх удаа айлчилж байгаадаа баяртай байна. Бид монголчуудаас гаралтай хүмүүс. Хоёр улсын Гадаад харилцааны сайд нар богино хугацаанд харилцан айлчилж байгаа нь Монгол, Бутаны харилцаанд чухал үйл явдал болж байна” хэмээн тэмдэглэв. Мөн хөдөө аж ахуй, эрүүл мэндийн салбарт Монгол Улсын туршлагаас судалж, оюутан суралцуулах, Монголоос адуу, сарлагийн хөлдөөсөн үр, монгол банхар авах сонирхолтой байгаагаа илэрхийлэв. НҮБ-ын энхийг сахиулах үйл ажиллагааны хүрээнд хамтын ажиллагааг эхлүүлж, манай “Хааны эрэлд” энхийг дэмжих ажиллагааны сургалтад оролцох хүсэлтэй байгаагаа нотлов.

Сайд Дамчо Доржи Монгол Улс Далайд гарцгүй хөгжиж буй орнуудын Олон улсын судалгааны төвийг эх орондоо байгуулж байгаад баяр хүргээд энэхүү байгууллагад тус улс удахгүй албан ёсоор элсэхээр ажиллаж байгаагаа мэдэгдэв. Өмнөд Азид аялж буй монголчууд аяллынхаа маршрутад Бутаныг нэмээсэй, энэ чиглэлд төлөөлөгч солилцож, харилцан улс орноо сурталчлая хэмээх саналыг бутаны тал дэвшүүлэв.

 

 

Эх сурвалж: ГХЯ

Холбоотой мэдээ

Өнгөрсөн хоногт 815 шинэ тохиолдол бүртгэгдэж долоон хүн нас барлаа

Коронавируст халдварыг илрүүлэхээр сүүлийн хоногт улсын хэмжээнд хийсэн шинжилгээний хариуг танилцуу

2021-05-08

Тавдугаар сарын 9-нд монгол цэргүүд Улаан-Үдэд парад алхана

Аугаа их Эх орны дайны ялалтын 76 жилийн ой тохиох гэж байна. Түүхт ойг тохиолдуулан Монгол

2021-05-08

Гадаадад амьдардаг иргэд Ерөнхийлөгчийн сонгуульд оролцох эсэхээ шийдэхэд хоёр хоногийн хугацаа үлдлээ

Монгол Улсын Ерөнхийлөгчийн 2021 оны ээлжит сонгуулийн санал авах өдөр зургаадугаар сарын 9-нд товло

2021-05-07

Санал асуулга

Хатуу хөл хорио тогтоох хэрэгтэй юу?

Үр дүн

Loading ... Loading ...
Одоо суръя - Онлайн сургалт Цонжин Кибер Боардинг Сургууль