Өмнөд Солонгосын ерөнхийлөгч асан өршөөлд хамрагдаж, суллагдахаар болжээ

2021-12-24 Дэлхийд 1

Өмнөд Солонгосын өмнөх ерөнхийлөгч Пак Гын Хэд өршөөл үзүүлэх болсныг тус улсын засгийн газар өнөөдөр зарлажээ.

Экс ерөнхийлөгч 2017 оны гуравдугаар сард авлига, албан тушаалын хэргээр 22 жилийн хорих ял сонссон юм.

Энэ оны сүүлчийн өдөр 3,094 хоригдол өршөөлөөр суллагдах болсны нэг нь 69 настай Пак Гын Хэ болжээ.

Түүний эрүүл мэнд муудаж байгаа нь өршөөл үзүүлэх гол шалтгаан болсон тухай Өмнөд Солонгосын засгийн газар мэдээлсэн байна. Мөн экс ерөнхийлөгчдөө өршөөл үзүүлэх нь үндэсний эв нэгдэлд тустай гэж үзжээ.

Энэ онд Пак Гын Хэ гурван удаа эмнэлэгт хэвтсэн нь түүний мөр, нурууны өвчинтэй холбоотой байв. 2019 онд тэр мөрөндөө мэс засал хийлгэж байжээ.

Экс ерөнхийлөгч одоо Самсунгийн Эрүүл Мэндийн төвд эмчлүүлж байгаа ба тэндээсээ шууд суллагдах юм байна.

Авлига авч, өмч хөрөнгө шамшигдуулсан хэргээр шоронд 17 жилийн хорих ял эдэлж буй Өмнөд Солонгосын бас нэг ерөнхийлөгч асан И Мюн Бак энэ удаагийн өршөөлд хамрагдахааргүй болжээ.

Хоёр экс ерөнхийлөгчийг тойрсон асуудлууд, нөхцөл байдал нэлээд ялгаатайг тус улсын хууль зүйн сайд Пак Бём Ки тайлбарласан байна.

Холбоотой мэдээ

Дэлхий нийт Тонга арлаас ирэх мэдээг сэтгэл түгшин хүлээж байна

Бямба гарагт болсон галт уулын дэлбэрэлтийн дараа Номхон далайн өмнөд хэсэгт орших Тонга арал улс га

2022-01-18

Өвлийн олимпын наадам эхлэхэд хэдхэн хоног дутуу байхад Бээжин хотод Омикроны халдвар дэгдэв

Ирэх сард өвлийн олимпын наадам зохион байгуулах гэж байгаа Бээжин хотод Бямба гарагт коронавирусийн

2022-01-17

Сарны сүүдэртэй талаас олдсон нууцлаг биетийн учир тайлагджээ

Өнгөрсөн оны сүүлээр Хятадын саран дээр ажиллаж буй робот станц нэгэн нууцлаг биетийн зургийг алсаас

2022-01-10

Санал асуулга

Коронавирусийн Омикрон хувилбарын халдвар орж ирэх эрсдэл өндөр байгаа энэ үед монголчууд Цагаан сарын баяраа тэмдэглэх нь зөв үү? Таны санал...

Үр дүн

Loading ... Loading ...