Венесуэлийн ерөнхийлөгч туулай тэжээж, өлсгөлөнгөөс гарах төлөвлөгөө танилцуулжээ

2017-09-15 Нийгэм 0

Хоол хүнсний хомсдолд ороод байгаа Венесуэль улсын ерөнхийлөгч Николас Мадуро “туулай өсгөх төлөвлөгөө” гаргаж, ард иргэдээ өлсгөлөнгөөс гаргахаар шийджээ.

Эрх баригчид үүнээс гадна хүнсний ногоог хэрхэн дээвэр болон тагтан дээрээ тарих тухай хичээлийг ард иргэддээ зааж эхэлсэн байна.

Тус улсын хөдөө аж ахуйн сайд Фрэдди Бернал ерөнхийлөгчтэй хамт телевизийн сувгаар ярихдаа “Бидэнд туулайг гэрийн тэжээвэр амьтан гэсэн ойлголт гүн шингэснээс болоод сэтгэл зүйн бэрхшээл тулгарч байна. Үнэндээ туулай бол гэрийн амьтан биш. Үүнийг холестерингүй, уураг тэжээл ихтэй 2.5 кг мах гэж харах хэрэгтэй” хэмээн ухуулжээ.

Харин Венесуэлийн сөрөг хүчнийхэн Мадурогийн энэ санааг хатуу шүүмжилж эхэлсэн байна.

Туулайн махыг Европт өргөн хэрэглэдэг бол АНУ-д цөөн хэсэг хүмүүс хэрэглэдэг. НҮБ-ын Хүнс, Хөдөө Аж Ахуйн байгууллага туулайн махыг гахай, үхрийн махтай харьцуулбал илүү тэжээллэг гэж үнэлсэн байдаг юм.

Гэвч туулай үржүүлэх нь өнөөдрийн Венесуэльд хэцүү асуудал.

Эдийн засгийн гүн хямралд орсон тус улсад туулайг юугаар хэрхэн тэжээхээс эхлээд хаших хашаа хороо хийх төмөр утас ч олдоход бэрх болоод байгаа юм.

Ерөнхийлөгч Мадуро улс орондоо тохиолдоод байгаа зовлонг Дональд Трампын засаг захиргааны явуулж буй “эдийн засгийн дайн”-ы үр дүн гэж тайлбарласаар байна.

Эх сурвалж: The Guardian

Холбоотой мэдээ

МСНЭ-ээс сэтгүүлчдийн мэргэжлийн үйл ажиллагаанд дахин саад учруулахгүй байхыг шаардав

Төв талбайд болж буй үйл сурвалжлахаар очсон сэтгүүлчдийн биед цагдаагийн алба хаагчид халдаж буй би

2021-05-06

Цагдаагийн алба хаагч сэтгүүлчийн биед халджээ

Цагдаагийн алба хаагч ажлаа хийж байсан сэтгүүлчдийн биед нь халджээ. Тодруулбал, Бүх нийтийн бэл

2021-05-06

Манай Улсын иргэн бүрд өдөрт 3 ширхэг янжуур тамхи ногдож байна

2018 оны судалгаагаар манай улсын 15-64 насны дөрвөн хүн тутмын нэг нь буюу нийт хүн амын 27 хув

2021-05-06

Санал асуулга

Хатуу хөл хорио тогтоох хэрэгтэй юу?

Үр дүн

Loading ... Loading ...
Одоо суръя - Онлайн сургалт