Дэлхийн хамгийн баян эмэгтэй 94 насандаа таалал төгслөө

2017-09-22 Нийгэм 0

Манай дэлхийн хамгийн баян эмэгтэйд тооцогддог, L’Oreal брэндийн өв залгамжлагч Лилиан Беттэнкурт өнгөрсөн Лхагва гарагт 94 насандаа таалал төгссөн байна.

Тэрээр $42.5 тэрбумын хөрөнгөөр Forbes сэтгүүлээс гаргасан нийт баячуудын жагсаалтын 15 дугаарт, эмэгтэйчүүдийн тэргүүнд бичигддэг байсан юм.

Беттэнкуртын эцэг Евгени Шюллер 1909 онд анх үсний будаг үйлдвэрлэдэг компани байгуулж байсан нь яваандаа L’Oreal группын үндэс болсон байна. Одоо L’Oreal нь дэлхийн хамгийн том косметикийн компанид тооцогддог.

Шюллерийн цорын ганц охин болох Беттэнкурт 1957 онд эцгийгээ нас барахад хөрөнгийг нь өвлөж авсан юм.

Одоо түүний хөрөнгийг охин Франсуа Беттэнкурт-Мэйерс нь өвлөж авах гэнэ.

Беттэнкурт хатагтайн амьдралын сүүлийн 10 жилд түүний хөрөнгө мөнгөтэй холбоотой маргаан өрнөж байв. Өндөр насалж, өвчтэй болсон хатагтайн хөрөнгийг түүний ойр шадар хүмүүс зүй бусаар ашиглаж байгаа тухай шүүхийн маргааныг охин нь эхлүүлж, эцэстээ ялалт байгуулан бүх хөрөнгийг нь хяналтдаа авсан юм.

Түүний дотор Францын ерөнхийлөгч асан Николья Саркозигийн сонгуулийн ажиллагаанд Беттэнкуртын мөнгийг хууль бусаар зарцуулсан гэх яриа хүртэл гарч байжээ.

Эх сурвалж: BBC

Холбоотой мэдээ

Шинийн нэгний өглөө мөрөө гаргахын учир

МҮ-ний ШУА-ийн академич, МУ-ын шинжлэх ухааны гавьяат зүтгэлтэн Л.Тэрбиш: Цагаан сарын шинийн

2022-02-01

Нэвтрүүлэгч Ш.Бямбацогт агсны гэр бүлд гурван өрөө байр бэлэглэхээр болжээ

Монгол Улсын Соёлын гавьяат зүтгэлтэн, нэвтрүүлэгч Ш.Бямбацогт агсны ар гэрийнхэнд хотын захиргаанаа

2022-02-01

Хөгжлийн Банкнаас зээл авсан бүх ЗЭЭЛДЭГЧ

Монгол Улсын Хөгжлийн Банкны 25 найдваргүй зээлдэгчийн мэдээллийг өмнө танилцуулсан. Өнөөдөр тус бан

2022-02-01

Санал асуулга

Коронавирусийн Омикрон хувилбарын халдвар орж ирэх эрсдэл өндөр байгаа энэ үед монголчууд Цагаан сарын баяраа тэмдэглэх нь зөв үү? Таны санал...

Үр дүн

Loading ... Loading ...