Ким Жон Уныг доромжилсон Трампын үг АНУ-д өгөх пуужингийн цохилтыг “гарцаагүй” болгож байна гэлээ

2017-09-24 Нийгэм 0

Өчигдөр буюу Бямба гарагт Хойд Солонгосын гадаад хэргийн сайд Ри Ён Хо НҮБ-ын ерөнхий ассамблэйн чуулганы индэр дээрээс үг хэллээ.

Тэрээр удирдагч Ким Жон Уныг АНУ-ын ерөнхийлөгч удаа дараа доромжилж байгаа нь “АНУ-ын газар нутагт манай пуужингуудын өгөх цохилтыг гарцаагүй болгож байна” хэмээн мэдэгджээ.

Энэ долоо хоногийн турш хоёр улсын удирдагчид харилцан бие бие рүүгээ хатуу үгс чулуудаж байгаа. Тэгвэл гадаад хэргийн сайд энэ дайнд мөн хошуу нэмэрлэж, хэлсэн үгэндээ Дональд Трампыг “цөмийн товчлуурын ард сууж байгаа сэтгэцийн хувьд өөрчлөлттэй, биеэ хэт тоох өвчтэй этгээд” гэж нэрлэсэн байна. Ри сайд эдийн засгийн хориг нь Хойд Солонгосын цөмийн зэвсгийн хөтөлбөрт ямар ч саад болохгүйг энэ үеэр батлан хэлжээ.

Тэрээр Хойд Солонгосын эцсийн зорилго нь зэр зэвсгийн хувьд АНУ-тай тэнцүү хүчтэй болох буюу стратегийн тэнцвэрийг бий болгох гэсэн байна.

“Ийм урт бөгөөд хүнд хэцүү тэмцлийн дүнд бид цөмийн зэвсэгтэй улс болох сүүлчийн даваанаас цөөхөн алхмын зайнд ирээд байна” гэж Хойд Солонгосын гадаад хэргийн сайд мэдэгджээ.

“Трамп өөрийнх нь амнаас ямар үг унаж байгааг ойлгохгүй байна. Хэлсэн үгнийх нь үр дагавар ямар том, өөрийнх нь чадлаас хэтэрсэн зүйл болохыг тэр мэдрэх болно” гэж Ри Ён Хо анхааруулсан юм.

Түүнийг үг хэлсний дараа НҮБ-ын ерөнхий нарийн бичгийн дарга Антониу Гутерреш хүлээн авч уулзахдаа Солонгосын хойгийн нөхцөл байдалд санаа зовж байгаагаа илэрхийлээд, НҮБ-ын аюулгүй байдлын зөвлөлийн тогтоолыг хэрэгжүүлж, сөргөлдөөнөө зогсоон, хэлэлцээрийн ширээний ард суухыг Хойд Солонгосоос хүссэн байна.

Холбоотой мэдээ

Зочид буудлуудын өрөөнд хүн олноор оруулсан эсэхэд гэнэтийн шалгалт хийжээ

Нийслэлийн Онцгой комиссын нэгдүгээр сарын 25-ны цахим хурлаар Зочид буудлуудын үйл ажиллагааг нээсэ

2021-01-26

Үсчин, гоо сайханчдыг шинжилгээнд хамруулахыг УОК-оос үүрэг болгожээ

Улсын онцгой комиссын “Шуурхай” ажлын хэсгийн хурал өнөөдөр цахимаар хуралджээ. Улсын онцгой

2021-01-26

Т.Ням-Очир: Хоёрдугаар сарын 1-нээс хичээлийн шинэ улирал эхэлж, орон даяар теле хичээл орно

2020-2021 оны хийчээлийн жилийн хоёрдугаар улирал ирэх долоо хоногийн Даваа гараг буюу хоёрдугаар са

2021-01-26

Санал асуулга

Хөл хориог цаашид яасан нь дээр вэ?

Үр дүн

Loading ... Loading ...