Жил орчим эрэн сурвалжлагдсан эмэгтэйн цогцос дулааны шугамын худгаас олджээ

2017-09-26 Нийгэм 0

Орхон аймагт өнгөрсөн оны аравдугаар сарын дунд үеэс удаа дараалан үйлдэгдсэн хүн амины хэрэг, сураггүй алга болсон хэргийн хохирогчид нь эмэгтэйчүүд байна гэсэн мэдээлэл нийгмийн сүлжээ сайтуудад тавигдах болсон. Ялангуяа 12770 хүний гишүүнчлэлтэй олон нийтийн facebook.com сүлжээний “Erdenet zar” группт, “Одоогийн байдлаар 20 эмэгтэй сураггүй алга болсон. Уг хэргийн сэжигтнүүд олдоогүй байна” гэсэн агуулга бүхий мэдээлэл цацагдсанаар аймгийн иргэдийг айдаст автуулсан билээ.

Тухайн үед буюу өнгөрсөн нэгдүгээр сарын үед нийгмийн сүлжээнд цацагдсан дээрх мэдээлэлд Орхон аймгийн Цагдаагийн газар албан ёсны тайлбар хийж байв. Тодруулбал, Орхон аймгийн Цагдаагийн газрын дарга, хурандаа Д.Энхбаяр хэлэхдээ “Орхон аймгийн Цагдаагийн газарт сураггүй алга болсон долоон иргэнтэй холбоотой мэдээлэл ирсэн байна. Тэдний зургааг нь эсэн мэнд олж, ар гэрт нь хүлээлгэн өгсөн. Одоогоор нэг эмэгтэй олдоогүй, эрэн сурвалжлах үйл ажиллагаа үргэлжилж байгаа. Нийгмийн сүлжээ сайтуудад гарсан ташаа мэдээллүүд шиг Орхон аймагт эмэгтэйчүүдийг олноор нь хулгайлах гэмт хэрэг гараагүй. Алга болсон иргэдтэй холбоотой хэргүүд нь хоорондоо ямар нэгэн учир шалтгаанаар холбогдоогүй” хэмээж байв.

-ГАНЦ БИЕ, ГУРИЛЫН ЧЕНЖ ХИЙДЭГ НЭГЭН БАЙЖЭЭ-

Сураггүй алга болсон нэг эмэгтэйн цогцос саяхан олдсон аж. Тодруулбал, 42 настай М гэх эмэгтэйн цогцос Булган аймгийн Хангал сумын нутаг дэвсгэрээс олджээ. Түүний хөл, гарыг хүлээд онц хэрцгийгээр хөнөөн, Булган аймгийн нутаг дэвсгэрт байх Эрдэнэт хотын мэдлийн шугамын худагт нуусан байсан аж.
Албаны эх сурвалжаас авсан мэдээллээр “Эрдэнэт үйлдвэр”-ийн ажилчид улирал бүр дулааны шугам бүхий худгаа шалгадаг бөгөөд энэ үеэрээ эмэгтэйн цогцсыг олжээ. Шүүхийн шинжилгээний газраас хийсэн шинжилгээрээр талийгаачийн гавлын яс хэд хэдэн газар цөмөрсөн байсан аж. Мөн талийгаач гурилын ченж хийдэг, нөхөр, хүүхэдгүй ганц бие хүн байжээ. Өнгөрсөн жилийн 11 дүгээр сард алга болсон өдрийнхөө орой Эрдэнэт хотын нэгэн баарнаас гараад, таксинд суун гэрийнхээ гадна бууснаас хойш сураггүй алга болжээ. Одоо хэргийн мөрдөн байцаалтын ажиллагаа үргэлжилж буй юм байна.

Холбоотой мэдээ

Өнгөрсөн хоногт 815 шинэ тохиолдол бүртгэгдэж долоон хүн нас барлаа

Коронавируст халдварыг илрүүлэхээр сүүлийн хоногт улсын хэмжээнд хийсэн шинжилгээний хариуг танилцуу

2021-05-08

Тавдугаар сарын 9-нд монгол цэргүүд Улаан-Үдэд парад алхана

Аугаа их Эх орны дайны ялалтын 76 жилийн ой тохиох гэж байна. Түүхт ойг тохиолдуулан Монгол

2021-05-08

Гадаадад амьдардаг иргэд Ерөнхийлөгчийн сонгуульд оролцох эсэхээ шийдэхэд хоёр хоногийн хугацаа үлдлээ

Монгол Улсын Ерөнхийлөгчийн 2021 оны ээлжит сонгуулийн санал авах өдөр зургаадугаар сарын 9-нд товло

2021-05-07

Санал асуулга

Хатуу хөл хорио тогтоох хэрэгтэй юу?

Үр дүн

Loading ... Loading ...
Одоо суръя - Онлайн сургалт Цонжин Кибер Боардинг Сургууль