Хойд Солонгосын эсрэг шийдвэртэй алхам хийхийн тулд Шинзо Абэ парламентаа тараалаа

2017-09-28 Нийгэм 0

Өнөөдөр Японы ерөнхий сайд Шинзо Абэ парламентийн доод танхимыг тарааж, ээлжит бус сонгууль явуулах болсноо зарлалаа.

Тэр ээлжит бус сонгуулийг аравдугаар сарын 22-нд зохион байгуулах товыг зарласан байна. Албан ёсны сонгуулийн сурталчилгааг аравдугаар сарын 10-нд буюу харьцангуй шахуу хугацаанд эхлүүлэхээр болсон нь сөрөг хүчинд бэлдэх боломж өгөлгүйгээр доод танхимд суудлаа нэмэх гэсэн Абэгийн зорилготой холбоотой бололтой.

Одоогоор гол сөрөг хүчин болох Ардчилсан Нам дотроо үймээнтэй байгаа бол нөлөө бүхий улстөрч, Токио хотын дарга Юрико Койке шинэ нам байгуулж байгаагаа дөнгөж энэ долоо хоногт зарласан юм.

Гэвч Абэг шийдвэрээ зарлахаас хэдхэн цагийн өмнө Ардчилсан Намын лидер Сэйжи Маехара өөрийн намын удирдлагуудыг Койкегийн шинээр байгуулсан “Кибо но То” намтай эвсэж, Абэгийн эрх баригч хүчинтэй өрсөлдөхийг уриалжээ.

Шинзо Абэ парламентийг тараах болсон шалтгаанаа татварын орлогыг зарцуулах засгийн газрын шинэ төлөвлөгөө, Хойд Солонгосын эсрэг авах арга хэмжээг хэрэгжүүлэхийн тулд эрх мэдлээ бататгах гэж тайлбарласан юм.

Нэг үгээр хэлбэл Абэ шийдвэр гаргах эрх мэдлээ нэмэгдүүлэхийн тулд эрсдэлтэй алхам хийхээр шийдээд байна.

Японы парламентийн доод танхим нь 475 суудалтай, дээд танхимаасаа илүү эрх мэдэлтэй байдаг. Доод танхимын гаргасан шийдвэрийг дээд танхим нь унагавал доод танхим гуравны хоёрын саналаар буцаан сэргээх эрхтэй юм.

Холбоотой мэдээ

50.000, 100.000-ын дэвсгэрт инфляци, мөнгөний ханшид нөлөөлөхгүй

Монголбанкнаас 50 000-ын дэвсгэрт гаргах талаар судалгаа хийж буй талаар бид мэдээлж байсан. Том дэв

2021-10-22

Хэнтий аймагт эхнэр, хүүхдээ гэртэй нь шатаахыг завджээ

Эхнэр, хүүхдээ унтаж байх хойгуур санаатайгаар гал тавьж, амь насыг нь хохироохыг завдсан хэрэг Хэнт

2021-10-22

ХХААХҮЯ: 1 литр сүү тутамд 500 төгрөгийн мөнгөн урамшуулал олгож байна

Монгол Улсын Засгийн газрын 2020 оны 130 дугаар тогтоолоор малчид, фермерүүдээс нийлүүлж буй 1 литр

2021-10-22

Санал асуулга

Та вакцины гуравдугаар тунг хийлгэх үү?

Үр дүн

Loading ... Loading ...