Хятад улс Хойд Солонгосын бүх компаниудыг хаах шийдвэр гаргалаа

2017-09-29 Нийгэм 0

Пёньяны эсрэг хэрэгжүүлж байгаа эдийн засгийн хоригийн хүрээнд Хойд Солонгосын хөрөнгө оруулалттай, хамтарсан бүх компаниудыг хаах болсноо Хятадын засгийн газар өчигдөр зарлажээ.

Хориг хэрэгжиж эхэлсэн есдүгээр сарын 11-нээс хойш 120 хоногийн дотор Хятадад үйл ажиллагаа явуулж байгаа Хойд Солонгосын оролцоотой компаниуд, хувь хүмүүсийн үйл ажиллагааг зогсооно гэдгээ Хятадын Худалдааны Яам мэдээлсэн байна.

Мөн гадаад улс орнуудад үйл ажиллагаа явуулдаг Хятад, Хойд Солонгосын хамтарсан компаниуд хаагдах гэнэ.

Харин НҮБ-ын аюулгүй байдлын зөвлөлөөс баталсан ашгийн бус дэд бүтцийн төслүүдийг хоригийн гадна үлдээхээр болсон байна. Есдүгээр сарын 11-нд НҮБ-ын аюулгүй байдлын зөвлөл Хойд Солонгосын дэглэмийн эсрэг ээлжит эдийн засгийн хоригоо тавьсан нь хамгийн хатууд тооцогдож байгаа.

Үүний үр дүнд Пёньян жилд $800 саяыг оёмол бүтээгдэхүүний экспортоос, $500 саяыг гадаад дахь ажиллах хүчнээсээ алдахаар болж байна.

Хойд Солонгосоос Хятадад оруулсан шууд хөрөнгө оруулалт 2006-2015 оны хооронд $22 сая байгаа бөгөөд сүүлийн жилүүдэд эрс багасч байгаа нь статистикийн тоо баримтаас харагдаж байгаа юм.

Тухайлбал 2010 онд $11.2 сая байснаа 2014 онд $290,000 болжээ. 2015 онд дөнгөж $70,000 болсон нь 1997 оноос хойшх хамгийн доод хэмжээ гэнэ.

Хөрөнгө оруулалтын ихэнх нь рестораны бизнес байдаг ба Хятад даяар 100 гаруй ресторан ажиллуулдагийн 26 нь Бээжинд байдаг аж.

Эх сурвалж: South China Morning Post

Холбоотой мэдээ

Өнгөрсөн хоногт 815 шинэ тохиолдол бүртгэгдэж долоон хүн нас барлаа

Коронавируст халдварыг илрүүлэхээр сүүлийн хоногт улсын хэмжээнд хийсэн шинжилгээний хариуг танилцуу

2021-05-08

Тавдугаар сарын 9-нд монгол цэргүүд Улаан-Үдэд парад алхана

Аугаа их Эх орны дайны ялалтын 76 жилийн ой тохиох гэж байна. Түүхт ойг тохиолдуулан Монгол

2021-05-08

Гадаадад амьдардаг иргэд Ерөнхийлөгчийн сонгуульд оролцох эсэхээ шийдэхэд хоёр хоногийн хугацаа үлдлээ

Монгол Улсын Ерөнхийлөгчийн 2021 оны ээлжит сонгуулийн санал авах өдөр зургаадугаар сарын 9-нд товло

2021-05-07

Санал асуулга

Хатуу хөл хорио тогтоох хэрэгтэй юу?

Үр дүн

Loading ... Loading ...
Одоо суръя - Онлайн сургалт Цонжин Кибер Боардинг Сургууль