Египетийн Пирамидуудыг хэрхэн босгосон нууцыг археологичид тайлжээ

2017-10-02 Нийгэм 0

Эртний Египетийн Гизагийн пирамидуудыг хэрхэн босгосон тухай өнөөг хүртэл эрдэмтэд бүрэн тайлбарлаж чадахгүй байсан юм. Гизагаас 12 км зайтай Турад пирамидуудын чулуун блокыг бэлдэж, 850 км зайтай Асванд хөшөөний боржин чулуун материалыг бэлдэж байсан нь тодорхой болсон ч тэдгээр бэлдэцүүдийг өнөөдрийн Кайр хотын орчимд хэрхэн тээвэрлэж авчирсан нь нууц байв.

Судлаачид үүнийг олон янзаар тайлбарлаж, нэгдсэн ойлголтод хүрээгүй байлаа. Тэгвэл саяхан нээсэн эртний папирус буюу модны холтсон дээр бичсэн тэмдэглэлээс бэлдэцийг хэрхэн тээвэрлэсэн тухай баримт олжээ.

Уг баримтад өгүүлснээр Нийтийн Тооллын Өмнөх 2,600 онд фараон Хуфугийн пирамидыг босгохдоо 170,000 тонн чулууг Нил мөрний усанд завиар тээвэрлэн Гизад хүргэсэн тухай өгүүлсэн байна.

Нэг бүр нь 2.5 тонн жинтэй чулуун блокуудыг олон мянган боолууд сал завиар тээвэрлэн хүргэж байжээ. Нил мөрнөөс Гиза хүртэл суваг татаж, пирамид босгох талбайд шууд хүргэж байсан байна.

Уг папирусан дээрх бичээс нь Мерер хэмээх гадаадын зочны бичиж үлдээсэн пирамидуудыг хэрхэн байгуулсан тухай шууд эх сурвалж болж байгаа гэнэ. Тэр Турагийн чулуу бэлтгэх газраас Гиза хүртэл усан замаар хэрхэн бэлдэцүүдийг тээвэрлэж байсныг тайлбарлажээ.

Археологич Марк Лехнэр пирамидуудын байрлаж байгаа газрын хөрснөөс эртний усан зам буюу сувгийн ул мөрийг илрүүлсэн байна. “Гизагийн хөндийд чулуунуудыг хүргэдэг байсан төв усан замын зураглалыг бид гаргасан” гэж тэр мэдээлжээ. Нээлтийн тухай “Egypt’s Great Pyramid: The New Evidence” нэртэй баримтат киног өнөөдөр Британий Channel 4 сувгаар цацах гэнэ.

Эх сурвалж: New York Post

Холбоотой мэдээ

Даваа гарагаас ТҮЦ, гар утас худалдаа болон барааны дэлгүүрүүд, цанын баазуудын үйл ажиллагааг нээх тухай хэлэлцжээ

Улсын онцгой комисс болон Нийслэлийн онцгой комиссын хамтарсан хуралдаан өнөөдөр болсон талаар мэдээ

2021-01-16

Газар хөдлөлтийн дараах Хөвсгөл нуурын дүр төрх /зураг/

Хөвсгөл нуурын орчимд газар хөдөлсөнтэй холбогдуулан тус аймгийн Хамгаалалтын захиргаанаас иргэдэд м

2021-01-16

“Хүүхэд нь үймүүлээд байна гэх дуудлага ирэхэд бусдын амгалан тайван байдлыг хангахыг зөвлөдөг, торгодоггүй”

Нийтийн зориулалттай орон сууцны оршин суугчдын амгалан тайван байдлыг алдагдуулсан иргэн, хуулийн э

2021-01-16

Санал асуулга

Хөл хориог цаашид яасан нь дээр вэ?

Үр дүн

Loading ... Loading ...