Даргын охиныг Л.Цандэлэг оролдсон гэнэ үү

2017-10-04 Нийгэм 0

Есдүгээр сарын 23-наас 27-ны өдрүүдэд ӨМӨЗО-ы Хөх хотод Монгол-Хятадын үйлдвэрлэгч, худалдаалагчдын экспо болж өндөрлөсөн. Энэхүү экспод Монголын талаас төрийн болон хувийн хэвшлийнхэн өргөн бүрэлдэхүүнтэй оролцсон юм. Түүн дотор Монголын морин спорт уяачдын холбооноос 20 орчим хүний бүрэлдэхүүнтэй баг багтаж, “Эрдэм транс” ХХК-ийн автобусаар явж тус үзэсгэлэнд оролцоод иржээ.
Тэд буцах замдаа буюу есдүгээр сарын 30-наас аравдугаар сарын 1-нд шилжих шөнө Замын-Үүдээс Сайншандын чиглэлд зорчихдоо автобусанд нь дайгдсан охиныг гэгээн цагаан өдөр хоргоосон учир Сайншандын цагдаагийн хэлтэст дөрвөн цаг байцаагдсан талаархи мэдээлэл хэвлэлүүдээр цацагдав.
Тодруулбал, тэднийг Хөх хотоос гарах үед нэгэн оюутан бүсгүй Улаанбаатар явахаар автобусанд нь дайгджээ. Улмаар Замын-Үүдээс Сайншанд руу явах явах замд уяачдын холбооныхон уг бүсгүйг шоглож, хоргоож, өдсөн тул тэрбээр Авто тээврийн үндэсний төвийн хэлтсийн дарга албан тушаалтай аав руугаа утасдаж энэ талаар хэлснээр бүх асуудал эхэлжээ.
Охиныг нь шоглож, хоргоосон гэдгийг сонссон аав нь Авто тээврийн үндэсний төвийн хэсэг албаны хүмүүстэй шөнө Сайншандад очиж, автобусыг зогсоохыг шаардаж, улмаар автобусанд зорчиж явсан уяачдын холбооны 20-иод хүнийг цагдаагийн байгууллагад шалгуулахаар өргөдөл өгсний дагуу тэднийг дөрвөн цаг саатуулан байцаажээ.

-ҮНЭН БОДИТ МЭДЭЭЛЭЛ АВЪЯ ГЭСНИЙХЭЭ ТӨЛӨӨ СҮРДҮҮЛЭГЧ
ГЭЖ ГҮЖИРДҮҮЛЭВ-

Уяачдын холбооныхны дунд явсан Л.Цандэлэг твиттер хуудастаа “Олон хүнтэй автобусыг шууд зогсоогоод дөрвөн цаг явуулахгүй. Хятадад сурдаг охиныг билетгүй суулгаад хэрүүл. Том даргын нууц юм гэнэ сда” гэж жиргэсэн байна.
Яг юу болсон талаар уг автобусанд сууж явсан Уяачдын холбооны эх сурвалжаас тодруулахад “Охиныг оролдсон зүйл байхгүй. Автобусны хамгийн ард сууж байсан. Хажууд нь хэн ч суугаагүйг олон нүд харж байсан. Бүгд эрчүүд байсан гэж худлаа. Тэнд эмэгтэй хүмүүс ч, настай хүмүүс ч байсан. Биднийг замдаа дуулж хуурдахад тэр охин унтуулж амраахгүй байна гэж уурлаж, аав руу залгасан байна лээ. Том даргын охин гээд бидний дуулж хуурдахыг хорих зөв юм уу. Сайншандын цагдаагийнхан шалгаад юу ч олж нотлоогүй болохоор биднийг явуулсан” гэсэн юм.
Энэ асуудлаар Зам тээврийн дэд сайд Б.Цогтгэрэл твиттер хуудастаа жиргэсэн бөгөөд үүнээс болж Л.Цандэлэг болон Б.Цогтгэрэл нар твиттер хуудсаараа дамжуулан “дайн зарлаад” байна.

Тухайн үед яг юу болсон талаар дэлгэрэнгүй мэдээлэл өгөөч гэж Монгол Улсын Тод Манлай Уяач, Монголын үр тариа эрхлэгчдийн Газар Тариалан Холбооны Ерөнхийлөгч Л.Цандэлэгтэй холбогдоход “Эхлээд дарваан хараасаа ярилцлага ав. Тэгээд надаас аваарай” хэмээсэн юм.

Төд удалгүй тэрбээр твиттертээ “Өнөөдөр над руу 10 гаруй сэтгүүлч нэртэй сүрдүүлэгч нар утасдаж “Та хүчин хийсэн ярилцлагаа өгөөч гэнэ! Дарваан хараасаа эхэлж аваад ирцгээ!” хэмээн жиргэв.
Дөрөв дэх засаглалын үүрэг гүйцэтгэгч сэтгүүлч бид олонд бодит мэдээллийг тэнцвэртэй хүргэхээр шаргуу ажилладаг. Үүнийхээ хүрээнд тухайн үед юу болсныг үнэн мөнөөр нь олон нийтэд мэдээлэх гэснийхээ төлөө уяачдын холбооны Л.Цандэлэгээр сэтгүүлч нэртэй сүрдүүлэгч гэж гүжирдүүлэв.

Холбоотой мэдээ

Гадаадад амьдардаг иргэд Ерөнхийлөгчийн сонгуульд оролцох эсэхээ шийдэхэд хоёр хоногийн хугацаа үлдлээ

Монгол Улсын Ерөнхийлөгчийн 2021 оны ээлжит сонгуулийн санал авах өдөр зургаадугаар сарын 9-нд товло

2021-05-07

“2.5 сая тун Pfizer вакцин авах гэрээ хэлцлүүд хийж буйг ГХ-ны сайд мэдэгдсэн. 7, 8 дугаар сард ирвэл хүүхдүүдээ вакцинжуулна”

Улсын хэмжээнд хийгдэж буй дархлаажуулалтын явц болон цаашдын төлөвлөгөөний талаар ХӨСҮТ-ийн ерөнхий

2021-05-07

Тэтгэврийн зээлгүй байсан ахмадуудад ваучер олгож, мөнгөжүүлэх ажлыг Даваа гарагаас эхлүүлэхээр болжээ

Монгол Улсын Их Хурлаас 2020 оны нэгдүгээр сард “Иргэний тэтгэвэр барьцаалсан зээлийн төлбөрийг төрө

2021-05-07

Санал асуулга

Хатуу хөл хорио тогтоох хэрэгтэй юу?

Үр дүн

Loading ... Loading ...
Одоо суръя - Онлайн сургалт Цонжин Кибер Боардинг Сургууль