Цаг уурын дулаарлаас хамгийн их хожих дэлхийн улс орнуудыг Монгол тэргүүлжээ

2017-10-09 Нийгэм 0

Дэлхийн цаг уур дулаарч байгаа нь олон улс оронд гамшиг авчирна гэсэн төсөөлөл бий.

Харин ОУВС-ын гаргасан шинэ судалгаанд дэлхийн цаг уур Цельсийн 1 хэмээр дулаарахад эдийн засаг нь сайжрах 22 улс байгаагийн 13 нь онцгой өсөлт үзнэ гэж тооцоолжээ.

Эдгээр 13 орны хамгийн эхэнд Монгол улсыг нэрлэсэн байна. Тодруулбал дэлхийн бөмбөрцгийн агаарын хэм Цельсийн 1 градусаар нэмэгдэхэд Монгол улсын нэг хүнд ноогдох дотоодын нийт бүтээгдэхүүний гарц 1.4 орчим хувиар өсөх гэнэ.

Монголын араас ОХУ дараагийн хамгийн өндөр эдийн засгийн үр шим хүртэх орноор нэрлэгджээ.

Дэлхий нийтээр нь харвал бөмбөрцгийн хойд хагасын хүйтэн цаг ууртай орнууд дулаарлын үр шимийг хүртэхээр байгаа бол өмнө зүгийн орнууд, үүнд Африк, Ойрх Дорнод, Энэтхэгийн хойг, Зүүн Өмнөд Ази, Австрали, Төв ба Өмнөд Америкийн орнуудад сөргөөр нөлөөлөхөөр байна.

Судалгааны тайланд мөн цаг уурын өөрчлөлт хэдийгээр зарим орнуудад эерэг нөлөө үзүүлэх ч тэдгээр улсууд дотор салбар тус бүрт харилцан адилгүй нөлөөлж, эдийн засгийн хувьд ялагч, ялагдагч аль алиныг бий болгоно гэжээ.

Тухайлбал хамгийн өндөр ашиг хүртэнэ гэж тооцоолж байгаа Монгол улсын мал аж ахуйд байгалийн гамшигийн сөрөг нөлөө нэмэгдэнэ гэж үзсэн байна.

Харин өвлийн улирлаас болоод үйл ажиллагаа нь зогсдог, удааширдаг эдийн засгийн салбаруудад сайн нөлөө үзүүлэх гэнэ.

Эх сурвалж: Russia Insider

Холбоотой мэдээ

Өнгөрсөн хоногт 815 шинэ тохиолдол бүртгэгдэж долоон хүн нас барлаа

Коронавируст халдварыг илрүүлэхээр сүүлийн хоногт улсын хэмжээнд хийсэн шинжилгээний хариуг танилцуу

2021-05-08

Тавдугаар сарын 9-нд монгол цэргүүд Улаан-Үдэд парад алхана

Аугаа их Эх орны дайны ялалтын 76 жилийн ой тохиох гэж байна. Түүхт ойг тохиолдуулан Монгол

2021-05-08

Гадаадад амьдардаг иргэд Ерөнхийлөгчийн сонгуульд оролцох эсэхээ шийдэхэд хоёр хоногийн хугацаа үлдлээ

Монгол Улсын Ерөнхийлөгчийн 2021 оны ээлжит сонгуулийн санал авах өдөр зургаадугаар сарын 9-нд товло

2021-05-07

Санал асуулга

Хатуу хөл хорио тогтоох хэрэгтэй юу?

Үр дүн

Loading ... Loading ...
Одоо суръя - Онлайн сургалт Цонжин Кибер Боардинг Сургууль