Саран дээр сансрын нисэгчид байрлах боломжтой агуй олджээ

2017-10-19 Нийгэм 0

 

Японы сансар судлаачид сарны гадарга дээр 50 орчим километр үргэлжилсэн томоохон агуй олсноо мэдээлжээ.

Ирээдүйд түүнийг сансрын нисэгчдийн хоргодох байр болгох боломжтой гэж тэд үзсэн байна. Агуйд суурьшсанаар сансрын хортой туяануудаас хамгаалагдах юм. Дэлхий шиг агаар мандалгүй учраас сансрын хортой туяанууд ямар ч саадгүй сарны гадарга дээр хүрч байдаг.

Мөн астероид, солир зэрэг биетүүд саадгүйгээр гадарга дээр унаж байдаг нь сансрын нисэгчдэд аюул учруулахаар байгаа юм.

Үүнээс гадна агуй дотор температур харьцангуй тогтвортой байх тул суурин байхад тохиромжтой гэж үзжээ.

Одоогоор дэлхийн хэд хэдэн улсууд саран дээр суурин байгуулахаар төлөвлөөд байгаа. Цаашдаа бусад гарагууд руу нисэхэд сар нь дамжих бааз болно гэж үздэг.

Япон улсын хувьд 2030 онд сансрын нисэгчээ саранд хүргэх зорилт тавьжээ. Тэд NASA-тай хамтран Ангарагт илгээх багийн дамжин өнгөрөх баазыг саран дээр байгуулахаар ярьж байгаа.

Саяхан АНУ-ын дэд ерөнхийлөгч Майк Пэнс “Бид Америкийн сансрын нисэгчдийг Саранд дахин газардуулна. Энэ удаа мөрөө гаргаж, далбаагаа хатгахгүй, харин Ангарагт хүрэхэд ашиглах баазыг байгуулах юм” гэж хэлсэн байна.

Илэрсэн агуй нь 3.5 тэрбум жилийн өмнө сарны гадаргуу дээр урсаж байсан лаавны мөр судал гэж судлаачид дүгнэжээ. Сарны Мариус толгод гэгддэг сөнөсөн галт уулсын бөөгнөрлийн орчим байрлаж байгаа юм.

Эхэндээ Япончууд сарны гадарга дээр 50 метр өргөнтэй нүх олсон байна. Харин радио долгионоор тандан судалсны дараа энэ нь цааш үргэлжилсэн том агуй болохыг тогтоожээ. Мөн агуйн гүнд мөс байж болзошгүй гэж тэд үзсэн байна.

Агуйг нээсэн Кагуя хиймэл дагуул 2009 онд сарны гадарга дээр унаж сүйрсэн ч түүний илгээсэн мэдээлэл дээр үргэлжлүүлэн ажилласаар ийм үр дүнд хүрсэн гэнэ.

Эх сурвалж: Independent

Холбоотой мэдээ

О.Дашпагма: Спутник V вакцины II дахь тунг энэ сард багтан нийлүүлэх урьдчилсан мэдээ авсан

"АСА Станц" нэвтрүүлгийн энэ удаагийн дугаарт ХӨСҮТ-ийн Дархлаажуулалтын албаны дарга О.Дашпагма оро

2021-06-22

Т.Бэгзсүрэн: Эрдэмтдийн зөвлөлөөс долдугаар сарын 1-нээс хөл хорио тогтоох саналаа хүргүүлсэн

УОК-ын Эрдэмтдийн зөвлөлийн гишүүн, доктор Т.Бэгзсүрэн "АСА станц" шууд нэвтрүүлэгт оролцож, Эрдэмтд

2021-06-22

Өнөөдөр дархлаажуулалтын суурин 20, явуулын найман цэг ажиллана

Улаанбаатар хотод өнөөдөр буюу зургаадугаар сарын 22-нд явуулын найм, суурин 20 цэгт иргэдийг ко

2021-06-22

Санал асуулга

Та вакцин хийлгэсэн үү? Үгүй бол яагаад?

Үр дүн

Loading ... Loading ...
Одоо суръя - Онлайн сургалт Цонжин Кибер Боардинг Сургууль