Бага зэрэг согтуу үедээ хүн гадаад хэлээр сайн ярьдгийг тогтоожээ

2017-10-21 Нийгэм 0

 

Гадаад хэл сурч байгаа зарим хүмүүсийн дунд согтуу үедээ хүн тухайн хэлээрээ сайн ярьдаг гэсэн ойлголт яригддаг. Магадгүй халсан хүн биеэ барихаа больж, чөлөөтэй ярих боломж нээгддэг байх.

Нөгөө талаас согтууруулах ундаа тархины өөрийгөө хянах, мэдрэх үүрэгтэй хэсгүүдийг сулруулснаар хүн өөртөө хэт итгэлтэй болдог байх магадлалтай.

Тэгвэл энэ таамаглалыг батлахын тулд Британи, Нидерландын судлаачид туршилт явуулж, дүгнэснийг энэ долоо хоногийн Journal of Psychopharmacology сэтгүүлд нийтэлжээ.

Туршилтын дүнгээс харвал үнэхээр бага хэмжээний согтууруулах ундаа хэрэглэсэн хүмүүсийн гадаад хэлээр ярих чадвар нэмэгдэж байсан гэнэ.

Туршилтанд Германы хилд ойрхон оршдог Маастрихтийн их сургуульд дач (нидерландчуудын эх хэл) хэл судалж байгаа Герман үндэстэн 50 хүнийг оролцуулжээ.

Тэдний талд нь ус уулгаж, нөгөө талд нь согтууруулах ундаа уулгажээ. Хүмүүсийн биеийн жингээс хамаарч уух хэмжээг тааруулсан бөгөөд тухайлбал 68 кг-аас доош жинтэйд нь аяга шар айраг өгсөн юм байна.

Үүний дараа тэдэнтэй дач хэлээр чөлөөтэй яриа өрнүүлж, түүнийг нь бичиж авчээ. Мөн шалгуулсан хүмүүсийг өөрөөр нь хэр сайн ярьсныг нь үнэлүүлж, дүгнүүлсэн байна.

Ингэхэд согтсон хүмүүс өөрийгөө үнэлэхдээ эрүүл хүмүүсээс ялгаагүй хэмжээнд үнэлсэн байжээ. Өөрөөр хэлбэл биеэ хэтрүүлж үнэлэх хандлага ажиглагдаагүй байна.

Харин тэдний ярианы бичлэгийг сонссон хэлний мэргэжилтнүүд согтуу хүмүүсийн ярих чадвар гарцаагүй илүү байгааг үнэлжээ. Ингэхдээ дүгнэсэн мэргэжилтнүүдэд хэн нь согтуу, хэн нь эрүүл байгааг мэдэгдээгүй, нууцалсан юм байна.

Согтуу хүмүүсийн дүрэм, үгийн баялаг, санаа илэрхийлэх чадвар эрүүл хүмүүсийнхээс төдийлөн ялгаагүй байсан ч дуудлага нь хамаагүй илүү цэвэрхэн байгааг тогтоосон байна.

Харин согтуурлын хэмжээг нэмэгдүүлэхэд энэ чадвар нь алдагдаж байгааг туршилт харуулжээ.

Эх сурвалж: Time.Com

 

 

Холбоотой мэдээ

Энэ сард хоёр удаагийн тусгай үүргийн нислэгээр БНСУ-аас 320 орчим иргэнийг авчирна

Улсын онцгой комиссын шуурхай Штабаас мэдээлэл хийлээ. ГХЯ-ны Консулын газрын дарга Л.Мөнхтүш

2021-01-18

“Бараа материал, гоо сайхны худалдаа, үйлчилгээг нээхээр судалж байна”

Өнөөдрөөс үйл ажиллагааг нь нээж байгаа ААН-үүдэд тавих шаардлага болон дараагийн ээлжид нээгдэх бүх

2021-01-18

Өмнөговь аймаг халуун ус, маникюр, гоо сайхны үйлчилгээний газруудаа нээжээ

Халуун ус, маникюр, гоо сайхны үйлчилгээг нээхээр болсноо Өмнөговь аймгийн Онцгой комиссоос мэдээллэ

2021-01-18

Санал асуулга

Хөл хориог цаашид яасан нь дээр вэ?

Үр дүн

Loading ... Loading ...