Ши Жиньпин албан ёсоор Маогийн дараа Хятадын хамгийн хүчтэй удирдагч боллоо

2017-10-24 Нийгэм 0

 

Коммунист намынхаа үндсэн дүрэмд өөрийн нэрээр нэрлэгдсэн онолыг нэмж оруулснаар Ши Жиньпин албан ёсоор Мао Зэдуний дараах Хятадын хамгийн том удирдагч боллоо.

Энэхүү алхам нь долоо хоног хуралдсан ХКН-ын 19 дүгээр их хурлын сүүлийн өдөр буюу өнөөдөр тохиожээ. Хаалтын ажиллагааны үеэр их хурлын танхимд цугларсан гишүүдийн өмнө Ши Жиньпиний Хятадын онцлогтой Социализмийн тухай Шинэ эриний үзэл санааг намын үндсэн дүрмэнд нэмж оруулсныг зарлажээ.

1949 онд БНХАУ байгуулагдсанаас хойш ганцхан Мао Зэдунь амьд ахуй цагтаа ингэж өргөмжлөгдөж байсан юм. Түүний онолыг Мао Зэдуний үзэл санаа гэж нэрлэдэг байв.

Түүний дараа Хятадын эдийн засгийн шинэчлэлийн эцэг гэгддэг Дэн Сяопиний нэрээр нэрлэгдсэн онол мөн намын дүрмэнд орж байсан ч түүнийг нас барсны дараа 1997 онд уг явдал болж байжээ.

Ажиглагчдын дүгнэлтээр энэ бол Ши Жиньпинд асар их эрх мэдэл олгож байгаа явдал гэнэ. Ши Жиньпинийг хэн ч сөрж чадахгүй, түүнтэй тэмцэх нь коммунист намтай тэмцэж байгаа гэсэн үг болох ажээ.

Австралийн ерөнхий сайд асан Кэвин Рудд Financial Times сонинд бичихдээ “Таван жилийн өмнө түүнийг засгийн эрхэнд гарахад Дэн Сяопинээс хойшх Хятадын хамгийн том удирдагч гарч ирлээ гэж би хэлж байсан. Миний буруу байжээ. Тэр одоо Мао Зэдунээс хойшх Хятадын хамгийн том удирдагч боллоо” гэсэн байна.

Мөн намын удирдах дээд байгууллагад Хятадын дараагийн удирдагчийн таамагт яригдаж байгаа Ху Чунхуа, Чэн Мин эр, Жан Чинвэй нарын нэг нь ч ороогүй нь Ши Жиньпинийг 2022 онд огцрох бодолгүй байгааг харуулж байгааг шинжээчид бичиж байна.

Хэрвээ ингэвэл Ши насан туршдаа удирдагчийн суудлаас буухгүй байх магадлалтай. Билл Клинтоны үед төрийн нарийн бичгийн орлогч байсан Ширк “Энэ явдлын дараа би түүнийг дарангуйлагч гэж нэрлэхэд ойрхон болоод байна. Гэхдээ ингэхээсээ өмнө хэсэг харах хэрэгтэй” гэж ярьжээ.

Нөгөө талаас Хятадын коммунистуудын дунд Зөвлөлт маягийн задрал, уналтаас айх айдас түгээмэл болсон тул тэд дуу нэгтэйгээр хүчтэй удирдагч гаргаж ирж байх магадлалтай гэсэн яриа байгаа юм.

Өнөөдөр ийнхүү Хятадын Коммунист Нам Ши Жиньпинийг Хятад орныг дэлхий ертөнцөд байх ёстой сууринд нь хүргэх гол хүнээр зарлалаа.

Эх сурвалж: The Guardian

Холбоотой мэдээ

50.000, 100.000-ын дэвсгэрт инфляци, мөнгөний ханшид нөлөөлөхгүй

Монголбанкнаас 50 000-ын дэвсгэрт гаргах талаар судалгаа хийж буй талаар бид мэдээлж байсан. Том дэв

2021-10-22

Хэнтий аймагт эхнэр, хүүхдээ гэртэй нь шатаахыг завджээ

Эхнэр, хүүхдээ унтаж байх хойгуур санаатайгаар гал тавьж, амь насыг нь хохироохыг завдсан хэрэг Хэнт

2021-10-22

ХХААХҮЯ: 1 литр сүү тутамд 500 төгрөгийн мөнгөн урамшуулал олгож байна

Монгол Улсын Засгийн газрын 2020 оны 130 дугаар тогтоолоор малчид, фермерүүдээс нийлүүлж буй 1 литр

2021-10-22

Санал асуулга

Та вакцины гуравдугаар тунг хийлгэх үү?

Үр дүн

Loading ... Loading ...